ഇടുക്കിയിൽ പിന്നോട്ടെടുത്ത സ്കൂൾ ബസ് കയറി നാലു വയസുകാരി മരിച്ചു
- Published by:Sarika N
- news18-malayalam
Last Updated:
സ്കൂൾ മുറ്റത്ത് വെച്ചാണ് അപകടം നടന്നത്
ഇടുക്കി: ചെറുതോണിയിൽ സ്കൂൾ ബസിടിച്ച് പ്ലേ സ്കൂൾ വിദ്യാർഥിയായ നാലു വയസുകാരി മരിച്ചു. വാഴത്തോപ്പ് ഗിരിജ്യോതി പബ്ലിക് സ്കൂളിലെ വിദ്യാർഥിയായ ഹെയ്സൽ ബെൻ ആണ് മരിച്ചത്. സ്കൂൾ മുറ്റത്ത് വെച്ചാണ് അപകടം നടന്നത്. ഒപ്പമുണ്ടായിരുന്ന ഇനായ ഫൈസൽ എന്ന കുട്ടിക്ക് ഗുരുതരമായി പരിക്കേറ്റു.
സ്കൂൾ ബസിൽ വന്നിറങ്ങിയ ഹെയ്സൽ ക്ലാസിലേക്ക് കയറാനായി ബസിന് പിന്നിലൂടെ നടന്നുപോകുമ്പോഴാണ് അപകടം സംഭവിച്ചത്. ഈ സമയം പിന്നാലെ വന്ന മറ്റൊരു സ്കൂൾ ബസ് കുട്ടിയെ ഇടിക്കുകയും ശരീരത്തിലൂടെ കയറി ഇറങ്ങുകയുമായിരുന്നു. ഉടൻ തന്നെ കുട്ടിയെ മെഡിക്കൽ കോളജിൽ എത്തിച്ചെങ്കിലും ജീവൻ രക്ഷിക്കാനായില്ല. അപകടത്തിൽ ഇനായ ഫൈസലിൻ്റെ കാലിനാണ് ഗുരുതരമായി പരിക്കേറ്റിട്ടുള്ളത്. ഇവർ ചികിത്സയിലാണ്. സംഭവത്തിൽ പോലീസ് അന്വേഷണം ആരംഭിച്ചു.
Click here to add News18 as your preferred news source on Google. ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Idukki,Kerala
First Published :
Nov 19, 2025 12:42 PM IST
