അരുവിക്കരയിലെ പൊതുവിദ്യാലയങ്ങൾക്ക് 2.5 കോടിയുടെ നവീകരണം

സ്കൂൾ കെട്ടിടങ്ങൾ പുനർനിർമ്മിക്കുന്നതിനും പുതിയ കെട്ടിടങ്ങൾ പണിയുന്നതിനും വലിയ ഊന്നൽ നൽകുന്നു. ഇതിൻ്റെ ഭാഗമായി, ഗവ. വി & എച്ച്.എസ്.എസ്. വെള്ളനാട് സ്കൂളിന് പുതിയ കെട്ടിടം ഒരുങ്ങുകയാണ്. ഇതിനായി 2 കോടി രൂപയാണ് സർക്കാർ വിനിയോഗിക്കുന്നത്. കൂടാതെ, വീരണകാവ് ഗവ. എച്ച്.എസ്.എസിൻ്റെ നിർമ്മാണ പ്രവർത്തനങ്ങൾക്കായി 50 ലക്ഷം രൂപയും അനുവദിച്ചിട്ടുണ്ട്. തിരുവനന്തപുരം ജില്ലയിൽ തന്നെ നിരവധി സർക്കാർ വിദ്യാലയങ്ങളാണ് ഇത്തരത്തിൽ നവീകരിക്കപ്പെടുകയും ഹൈടെക് നിലവാരത്തിലേക്ക് ഉയർത്തപ്പെടുകയും ചെയ്തിട്ടുള്ളത്.

മെച്ചപ്പെട്ട അടിസ്ഥാന സൗകര്യങ്ങളോടെയുള്ള വിദ്യാഭ്യാസം ഉറപ്പാക്കുകയാണ് ഇതിലൂടെ സർക്കാർ ലക്ഷ്യമിടുന്നത്. ഹൈസ്കൂളുകൾക്ക് പുറമെ പ്രീ പ്രൈമറി സ്കൂളുകളും അപ്പർ പ്രൈമറി സ്കൂളുകളും ഉയർന്ന നിലവാരത്തിലേക്ക് മാറ്റപ്പെട്ടിട്ടുണ്ട്.