രാജ്യത്തെ ഏറ്റവും ശുദ്ധവായുവുള്ള നഗരങ്ങളിൽ സ്ഥാനമുറപ്പിച്ച് തിരുവനന്തപുരം
- Published by:Gouri S
- local18
- Reported by:Athira Balan A
Last Updated:
സംസ്ഥാനങ്ങളുടെ പട്ടികയിൽ കേരളം ഏറ്റവും കുറഞ്ഞ മലിനീകരണമുള്ള നഗരങ്ങളുള്ള സംസ്ഥാനങ്ങളുടെ കൂട്ടത്തിൽ മുൻപന്തിയിലുണ്ട്.
ഡൽഹി, ഗാസിയാബാദ് തുടങ്ങിയ രാജ്യത്തെ പ്രധാന നഗരങ്ങൾ കടുത്ത വായു മലിനീകരണത്തിൽ ശ്വാസം മുട്ടുമ്പോൾ, കേരളത്തിൻ്റെ തലസ്ഥാന നഗരിയായ തിരുവനന്തപുരത്തിന് ഒരു പൊൻതൂവൽ. സെൻ്റർ ഫോർ റിസർച്ച് ഓൺ എനർജി ആൻഡ് ക്ലീൻ എയർ (CREA) പുറത്തിറക്കിയ പുതിയ റിപ്പോർട്ട് പ്രകാരം, ഇന്ത്യയിലെ പ്രധാന തലസ്ഥാന നഗരങ്ങളിൽ ഏറ്റവും മികച്ച വായു നിലവാരമുള്ള നഗരങ്ങളുടെ പട്ടികയിൽ തിരുവനന്തപുരം രണ്ടാം സ്ഥാനത്ത് എത്തിയിരിക്കുന്നു.
ഈ നേട്ടം തലസ്ഥാന നഗരിക്ക് വലിയ ആശ്വാസവും അഭിമാനവുമാണ് നൽകുന്നത്. മറ്റ് നഗരങ്ങളിൽ അന്തരീക്ഷ മലിനീകരണം രൂക്ഷമായി തുടരുമ്പോൾ, തിരുവനന്തപുരത്തെ PM2.5 സാന്ദ്രത ദേശീയ നിലവാരത്തേക്കാൾ (National Ambient Air Quality Standards) വളരെ താഴെയാണ് രേഖപ്പെടുത്തിയിരിക്കുന്നത്. ഇത് നഗരത്തിലെ വായുവിൻ്റെ ഗുണമേന്മ മികച്ചതാണെന്ന് അടിവരയിടുന്നു.
സംസ്ഥാനങ്ങളുടെ പട്ടികയിൽ കേരളം ഏറ്റവും കുറഞ്ഞ മലിനീകരണമുള്ള നഗരങ്ങളുള്ള സംസ്ഥാനങ്ങളുടെ കൂട്ടത്തിൽ മുൻപന്തിയിലുണ്ട് എന്നതും ശ്രദ്ധേയമാണ്. ശുദ്ധവായുവിൻ്റെ കാര്യത്തിൽ കേരളം മറ്റ് സംസ്ഥാനങ്ങൾക്ക് ഒരു മാതൃകയായി മാറുകയാണ്. എങ്കിലും, രാജ്യത്തെ പ്രധാന തലസ്ഥാന നഗരങ്ങളിൽ ഒന്നാം സ്ഥാനം മിസോറാമിലെ ഐസ്വാളിനാണ്.
ഏറ്റവും പുതിയ വാർത്തകൾ, വിഡിയോകൾ, വിദഗ്ദാഭിപ്രായങ്ങൾ, രാഷ്ട്രീയം, ക്രൈം, തുടങ്ങി എല്ലാം ഇവിടെയുണ്ട്. ഏറ്റവും പുതിയ കേരളവാർത്തകൾക്കായി News18 മലയാളത്തിനൊപ്പം വരൂ
Location :
Thiruvananthapuram [Trivandrum],Thiruvananthapuram,Kerala
First Published :
December 11, 2025 4:54 PM IST
മലയാളം വാർത്തകൾ/ വാർത്ത/Thiruvananthapuram/
രാജ്യത്തെ ഏറ്റവും ശുദ്ധവായുവുള്ള നഗരങ്ങളിൽ സ്ഥാനമുറപ്പിച്ച് തിരുവനന്തപുരം
