നൂറ് പള്ളികള്‍ ഉണ്ടെന്നു പറഞ്ഞ് പുതിയ മുസ്ലിം പള്ളിക്ക് അനുമതി നിഷേധിക്കുന്നത് എങ്ങനെ? ഹൈക്കോടതിയെ വിമര്‍ശിച്ച് സുപ്രീംകോടതി

കേരള ഹൈക്കോടതി വിധിക്കെതിരെ നൂറുല്‍ ഇസ്ലാം സാംസ്‌കാരിക സംഘം എന്ന സംഘടന നല്‍കിയ ഹര്‍ജി പരിഗണിക്കുകയായിരുന്നു സുപ്രീംകോടതി. മലപ്പുറം നിലമ്പൂരില്‍ വാണിജ്യ കെട്ടിടം പള്ളിയാക്കി മാറ്റാന്‍ നൂറുല്‍ ഇസ്ലാം സാംസ്‌കാരിക സംഘം നല്‍കിയ അപേക്ഷ ജില്ലാ കളക്ടര്‍ നിരസിച്ചിരുന്നു. കെട്ടിടം ഇരിക്കുന്ന പ്രദേശത്ത് 5 കിലോമീറ്റര്‍ ചുറ്റളവില്‍ സമാനമായ 36 മുസ്ലിം പള്ളികളുണ്ടെന്ന് ചൂണ്ടിക്കാട്ടിയായിരുന്നു കളക്ടര്‍ അപേക്ഷ നിരസിച്ചത്.

ഇതിനെതിരെ നൂറുല്‍ ഇസ്ലാം സാംസ്‌കാരിക സംഘം ഹൈക്കോടതിയെ സമീപിച്ചെങ്കിലും കളക്ടറുടെ നിലപാട് ഹൈക്കോടതി ശരിവെച്ചു. ഇതിനെതിരെയാണ് നൂറുല്‍ ഇസ്ലാം സാംസ്‌കാരിക സംഘം സുപ്രീംകോടതിയെ സമീപിച്ചത്. വിഷയത്തില്‍ രമ്യമായ പരിഹാരം കണ്ടെത്തുമെന്ന് കോടതി അഭിപ്രായപ്പെട്ടു. നിലവില്‍ പള്ളിയുടെ നിര്‍മ്മാണ പ്രവര്‍ത്തനങ്ങള്‍ നടത്തരുതെന്നും സുപ്രീംകോടതി നിര്‍ദേശം നല്‍കി.

Summary: The Supreme Court has criticized a Kerala High Court order that denied permission for the construction of a new Muslim mosque in Nilambur. A bench headed by Justice J.B. Pardiwala questioned how permission for a new mosque could be refused simply by stating that there are already a hundred mosques in existence. The Supreme Court has issued notices to the opposing parties in the case.

‌