യുഎഇയിലെ ഈ വര്‍ഷത്തെ റമദാൻ; പൂര്‍ണമായ നോമ്പ് കലണ്ടറും സെഹ്‌രി, ഇഫ്താര്‍ സമയങ്ങളും

റമദാൻ മാസം ആരംഭിക്കുന്നതോടെ യുഎഇയിലെ ദിനചര്യകൾ അൽപം മന്ദഗതിയിലാകും. പ്രഭാതത്തിന് മുമ്പുള്ള സമയങ്ങളിൽ ശാന്തത നിറയും. അതേസമയം, കുടുംബങ്ങൾ ഇഫ്താർ, തറാവീഹ് പ്രാർത്ഥനയ്ക്കായി ഒത്തുചേരുന്നതിനാൽ വൈകുന്നേരങ്ങളിൽ ഐക്യവും ഊഷ്മളതയും നിറയും. ആത്മപരിശോധന, കൃതജ്ഞത അർപ്പിക്കൽ, അനുകമ്പ നിറഞ്ഞ പെരുമാറ്റം, വിശ്വാസം പുതുക്കൽ എന്നിവ പ്രോത്സാഹിപ്പിക്കുന്ന മാസമാണിത്. ഈ പുണ്യമാസം ആധുനിക യുഎഇയിലെ ജീവിതത്തെ പരമ്പരാഗത ആത്മീയ മൂല്യങ്ങളുമായി മനോഹരമായി സമരസപ്പെടുത്തുന്നു.

2026ലെ യുഎഇയിലെ റമദാൻ പുതിയ ദേശീയ മാർഗനിർദേശങ്ങളുമായി പൊരുത്തപ്പെടുന്നതാണ്. യുഎഇയിലെ സമീപകാല നിർദേശം അനുസരിച്ച് വെള്ളിയാഴ്ച പ്രാർത്ഥനകൾ ഉച്ചയ്ക്ക് 12.45നാണ് സജ്ജീകരിച്ചിരിക്കുന്നത്. ഇത് പ്രാർത്ഥനയ്ക്ക് മതിയായ സമയം ലഭിക്കുന്നുണ്ടെന്ന് ഉറപ്പാക്കുന്നു. സ്‌കൂളുകൾ വെള്ളിയാഴ്ച നേരത്തെ വിടും, സാധാരണയായി രാവിലെ 11.30ന് മുമ്പ് സ്‌കൂൾ സമയം അവസാനിക്കും. ഇതിനാൽ കുടുംബാംഗങ്ങൾക്ക് ഒരുമിച്ചിരുന്ന് പ്രാർത്ഥനകളിൽ പങ്കെടുക്കാൻ കഴിയും. റമദാൻ മാസത്തിൽ സർക്കാർ, സ്വകാര്യ മേഖലകളിലെ പ്രവൃത്തി സമയത്തിലും രണ്ട് മണിക്കൂർ കുറവുണ്ടാകും.

യുഎഇയിലെ റമദാൻ എന്നത് മതപരമായ ആചാരത്തേക്കാൾ വലുതാണ്. അത് സമൂഹബന്ധങ്ങളെയും ദയയെയും അനുകമ്പയെയും ശക്തിപ്പെടുത്തുന്നു. ജീവകാരുണ്യ പ്രവർത്തനങ്ങൾ മുതൽ സമാധാനപരമായ പ്രാർത്ഥനാ ഒത്തുചേരലുകൾ വരെ ഈ സമയത്ത് നടത്തപ്പെടുന്നു. ഈ കാലയളവിൽ രാഷ്ട്രം ഐക്യത്തിന്റെയും ആത്മീയതയുടെയും പ്രതിഫലനമായി മാറുന്നു. സ്വദേശികളും ഇവിടെ സന്ദർശിക്കാൻ എത്തിയവരും ഒരുപോലെ ആഴത്തിൽ ബഹുമാനവും സാംസ്‌കാരത്തിൽ വേരൂന്നിയതുമായ ഒരു അന്തരീക്ഷം അനുഭവിക്കുന്നു.

2026ലെ പ്രധാന ഘട്ടങ്ങളുടെ ഏകദേശ സമയക്രമം ചുവടെ ചേര്‍ക്കുന്നു. ചന്ദ്രനെ കാണുന്നത് അടിസ്ഥാനമാക്കിയാരിക്കും അന്തിമ തീരുമാനം.