നൈറ്റ് ലൈഫിന് പുതിയ മാനം: ശംഖുമുഖത്ത് ആധുനിക 'ഫുഡ് സ്ട്രീറ്റ് ഹബ്ബ്' യാഥാർത്ഥ്യമായി

കേരളത്തെ ഒരു പ്രധാന ഭക്ഷണ ടൂറിസം കേന്ദ്രമാക്കി മാറ്റുക, വിനോദസഞ്ചാരികൾക്ക് സുരക്ഷിതമായ ഭക്ഷണം ഉറപ്പാക്കുക എന്നീ ലക്ഷ്യങ്ങളോടെ തിരുവനന്തപുരത്തെ ശംഖുമുഖം ബീച്ചിൽ ഭക്ഷ്യസുരക്ഷാ വകുപ്പിൻ്റെ നേതൃത്വത്തിൽ ആധുനിക നിലവാരത്തിലുള്ള 'ഫുഡ് സ്ട്രീറ്റ് ഹബ്ബ്' യാഥാർത്ഥ്യമായി. ഒരു കോടി രൂപ ചെലവഴിച്ചാണ് ഈ ഫുഡ് സ്ട്രീറ്റ് ഹബ്ബ് സ്ഥാപിച്ചിരിക്കുന്നത്. ആരോഗ്യമന്ത്രി വീണാ ജോർജ്ജ് ഫുഡ് ഹബ്ബിൻ്റെ ഉദ്ഘാടനം നിർവ്വഹിച്ചപ്പോൾ, പൊതുമരാമത്ത് വകുപ്പ് മന്ത്രി പി.എ. മുഹമ്മദ് റിയാസ് ശംഖുമുഖം സൗന്ദര്യവൽക്കരണ പദ്ധതിയുടെ ഉദ്ഘാടനവും നിർവ്വഹിച്ചു.