മറ്റൊരു വാഹനത്തിന് സൈഡ് കൊടുക്കുന്നതിനിടെ കാർ കനാലിലേക്ക് മറിഞ്ഞ് മൂന്ന് പേർക്ക് പരിക്ക്

എറണാകുളം ജില്ലയിലെ കൂത്താട്ടുകുളം ഇലഞ്ഞിയിൽ കാർ കനാലിലേക്ക് മറിഞ്ഞ് അപകടം. മറ്റൊരു വാഹനത്തിന് സൈഡ് കൊടുക്കുന്നതിനിടയിലാണ് നിയന്ത്രണം വിട്ട് കാർ കനാലിലേക്ക് മറിഞ്ഞത്. കാറിലുണ്ടായിരുന്ന മൂന്ന് യുവാക്കൾ അത്ഭുതകരമായി രക്ഷപ്പെട്ടു. ഇലഞ്ഞി കൂര് സ്വദേശികളായ മാർവിൻ ജിജോ, ടിന്റോ ജോർടി, ബിനോജൻ മനോജ് എന്നീ സുഹൃത്തുക്കളാണ് അപകടത്തിൽ നിന്ന് രക്ഷപ്പെട്ടത്.