വെഞ്ഞാറമൂട് കൂട്ടക്കൊലക്കേസ് പ്രതി അഫാൻ ജയിലിൽ ജീവനൊടുക്കാൻ ശ്രമിച്ചു; നില ഗുരുതരം

ശബ്ദം കേട്ട് നോക്കിയ ഡ്യൂട്ടി ഉദ്യോഗസ്ഥനാണ് അഫാൻ തൂങ്ങിയത് കണ്ടത്.ഉടൻതന്നെ മെഡിക്കൽ കോളേജ് ആശുപത്രിയിൽ എത്തിച്ചു. നില ഗുരുതരമായതിനാൽ തീവ്ര പരിചരണ വിഭാഗത്തിൽ ചികിത്സയിലാണ്.

സഹോദരൻ അഹ്‌സാൻ, പെൺസുഹൃത്ത് ഫർസാന, പിതൃ സഹോദരൻ ലത്തീഫ്, ഭാര്യ സാജിദ, പിതൃ മാതാവ് സല്‍മ ബീവി എന്നിവരെയാണ് അഫാൻ തലക്കടിച്ച് കൊലപ്പെടുത്തിയത്. നിലവിൽ ജപ്പുര ജയിലിൽ വിചാരണത്തടവുകാരനാണ്. ചോദ്യം ചെയ്ത സമയത്ത് ജീവനൊടുക്കുമെന്ന് അഫാൻ പറഞ്ഞിരുന്നു. ഇതേത്തുടർന്ന് പ്രത്യേക നിരീക്ഷണമുള്ള യുടിബി ബ്ലോക്കിലായിരുന്നു അഫാനെ പാർപ്പിച്ചിരുന്നത്.