വാളയാർ കേസ്: ആവശ്യമെങ്കിൽ പുനരന്വേഷണമെന്ന് മന്ത്രി എ കെ ബാലൻ

കേസിൽ കുറ്റക്കാരെ ശിക്ഷിക്കാൻ നടപടികളെടുക്കണമെന്ന് സിപിഎം ആവശ്യപ്പെട്ടു. കുറ്റക്കാരെ രക്ഷപ്പെടാൻ അനുവദിക്കരുത്. അന്വേഷണത്തിലോ പ്രോസിക്യൂഷന്റെ ഭാഗത്തോ വീഴ്ചയുണ്ടായോയെന്ന് പരിശോധിക്കണം. പോക്സോ കോടതി വിധിക്കെതിരെ അപ്പീൽ പോകാനുള്ള സർക്കാർ തീരുമാനത്തെ സ്വാഗതം ചെയ്യുന്നുവെന്നും സിപിഎം പാലക്കാട് ജില്ലാ കമ്മിറ്റി പ്രസ്താവനയിൽ പറഞ്ഞു. ഇതിനിടെ പ്രതികളിലൊരാളുടെ സിപിഎം ബന്ധത്തിന്റെ തെളിവായി ഫോട്ടോകൾ പുറത്തു വന്നു. എന്നാൽ ആരോപണം സിപിഎം നിഷേധിച്ചു.