കാര്യം അരിച്ചാക്ക് കൊണ്ട് തുന്നിയ കുപ്പായമാണ്; പക്ഷേ വില ഒന്നര ലക്ഷത്തിൽ കുറയുകില്ല കട്ടായം

ഫാഷന്‍ വ്യവസായ രംഗം വലിയ മാറ്റങ്ങൾക്കാണ് സാക്ഷ്യം വഹിച്ചുകൊണ്ടിരിക്കുന്നത്. വസ്തുക്കളുടെ പുനരുപയോഗം ഫാഷന്‍ വ്യവസായ രംഗത്ത് വലിയ ട്രെന്‍ഡായി കൊണ്ടിരിക്കുകയാണ്. പ്രമുഖ ബ്രാന്‍ഡുകള്‍ വരെ പഴയ വസ്തുക്കളില്‍ നിന്നും പുതിയ വസ്ത്രങ്ങള്‍ നിര്‍മ്മിക്കുന്ന ട്രെന്‍ഡിനു പുറകെയാണ്. ആഡംബരത്തിലും ഫാഷനിലും പുതിയ നിലവാരം ഇതുവഴി സൃഷ്ടിക്കപ്പെടുന്നു. നമ്മൾ വിലക്കുറഞ്ഞതെന്ന് കരുതി വലിച്ചെറിയുന്ന പലതരം വസ്തുക്കളും ഫാഷനബിൾ ആകുന്ന ഒരു ലോകത്താണ് നാം ജീവിക്കുന്നത്. വില കുറഞ്ഞ കുപ്പിചില്ലുകളിൽ മുതൽ കീറ തുണിയിൽ വരെ ഫാഷൻ ഒളിഞ്ഞിരിക്കുന്നുണ്ട്.