ഈ ഭക്ഷണങ്ങൾ രാവിലെ ഒഴിവാക്കാം; ആരോഗ്യകരമായി ഒരു ദിവസം ആരംഭിക്കാം

എളുപ്പത്തിൽ തയ്യാറാക്കാം എന്നതിനാൽ ഉദ്യോഗസ്ഥർ പലപ്പോഴും ബ്രേക്ക്ഫാസ്റ്റിനായി തിരഞ്ഞെടുക്കുന്ന ഒന്നാണ് സിറിൽസ്. ന്യൂട്രിയൻസ് കൊണ്ട് സമ്പുഷ്ടമാണെന്നാണ് എല്ലാ സിറിൽസ് ബ്രാൻഡുകളും അവകാശപ്പെടുന്നതെങ്കിലും സ്ഥിരമായി കഴിക്കുന്നത് ആരോഗ്യത്തിന് നല്ലതല്ല എന്നതാണ് വാസ്തവം. പ്രത്യേകിച്ച്, രാവിലെ വെറും വയറ്റിൽ കഴിക്കുന്നത്. ഉയർന്ന രീതിയിൽ പ്രോസസ് ചെയ്യപ്പെട്ടതായതിനാൽ ഇതിൽ ധാന്യങ്ങളുടെ അളവ് വളരെ കുറവായിരിക്കും. മാത്രമല്ല, പഞ്ചസാരയുടെ അളവ് കൂടുതലാണ്. ഇത് കഴിക്കുന്നത് അമിതവണ്ണം, ഹൃദ്രോഗം, പ്രമേഹം എന്നിവയ്ക്ക് കാരണമാകും.

സാന്‍ഡ്‌വിച്ചിലെ വെണ്ണയും കൊഴുപ്പും ശരീരത്തിന് നല്ലതല്ല. പ്രാതലിന് സാന്‍ഡ്‌വിച്ച് പൂർണമായും ഒഴിവാക്കുക എന്നതാണ് ശരിയായ വഴി.

ഫൈബർ ധാരാളം അടങ്ങിയിട്ടുള്ള പച്ചക്കറി രാവിലെ തന്നെ കഴിക്കുന്നത് ദഹനപ്രശ്നം ഉണ്ടാക്കും. അസിഡിറ്റിക്കും കാരണമാകും.

ആരോഗ്യകരമായ പ്രഭാത ഭക്ഷണം എന്ന് കരുതി ജ്യൂസുകൾ ഉൾപ്പെടുത്തുന്നവരാണ് മിക്കവരും. എന്നാൽ ഇതിൽ അടങ്ങിയിട്ടുള്ള ഫ്രക്ടോസ് ഇന്‍സുലിന്റെ തോത് ഉയര്‍ത്തും. പഴങ്ങൾ ജ്യൂസാക്കാതെ കഴിക്കുന്നതാണ് രാവിലെ നല്ലത്. കോളയും രാവിലെ കുടിക്കരുത്.

ഓറഞ്ച്, തക്കാളി പോലുള്ളവ രാവിലെ ഒഴിവാക്കാം. പ്രതിരോധശേഷി വർധിപ്പിക്കാനും ചർമത്തിന്റെ ആരോഗ്യത്തിനും വിറ്റാമിൻ സി അടങ്ങിയ പഴങ്ങൾ നല്ലതാണെങ്കിലും ഇവ രാവിലെ കഴിക്കുന്നത് നെഞ്ചെരിച്ചിലിനും അസിഡിറ്റിക്കും കാരണമാകും.

ദഹനത്തിന് സഹായിക്കുന്ന ഭക്ഷണമാണ് യോഗർട്ട്. എന്നാൽ രാവിലെ വെറും വയറ്റിൽ യോഗർട്ട് കഴിക്കുന്നത് വിപരീത ഫലം ഉണ്ടാക്കും. രാവിലെ ശരീരത്തിന് ആവശ്യമായ ഭക്ഷണം നൽകി പിന്നീട് യോഗർട്ട് കഴിക്കാം. എങ്കിലേ ഗുണം ലഭിക്കുകയുള്ളൂ.

കടുപ്പമുള്ള കാപ്പി കുടിച്ച് ഒരു ദിവസം ആരംഭിക്കുന്നവരാണ് കൂടുതൽ പേരും. വെറും വയറ്റിൽ കാപ്പി ഒഴിച്ചു കൊടുക്കുന്നത് അസിഡിറ്റിക്ക് കാരണമാകും.

രാവിലെ തന്നെ വാഴപ്പഴം കഴിക്കുന്നതും നല്ല ശീലമല്ല. മഗ്നീഷ്യവും പൊട്ടാസ്യവും കൂടുതലുള്ള വാഴപ്പഴം രാവിലെ കഴിക്കുന്നത് രക്തത്തിന്റെ സന്തുലിതാവസ്ഥയെ ബാധിക്കും.

ആരോഗ്യത്തിന് സ്മൂത്തീസ് ഗുണകരമാണെങ്കിലും അത് രാവിലെ തന്നെ വേണ്ട. പഴങ്ങൾ കൂടുതലായി അടങ്ങിയിരിക്കുന്ന സ്മൂത്തീസിൽ പഞ്ചസാരയുടെ അളവും കൂടുതലായിരിക്കും. അതായത് രാവിലെ സ്മൂത്തി കഴിക്കുന്നത് രക്തത്തിലെ ഗ്ലൂക്കോസിന്റെ അളവ് പെട്ടെന്ന് വർദ്ധിക്കാൻ കാരണമാകും. ബ്രേക്ക് ഫാസ്റ്റിന് പകരം വൈകിട്ട് സ്മൂത്തി കഴിക്കുന്നതാണ് ഉചിതം.