Health Tips | ഉറക്കത്തിലുണ്ടാകുന്ന ശ്വാസതടസം; സ്ലീപ് അപ്‌നിയയ്ക്ക് കാരണമെന്ത്?

ഉറക്കവുമായി ബന്ധപ്പെട്ട ശ്വസനവൈകല്യമാണ് ഒബ്‌സട്രക്റ്റീവ് സ്ലീപ് അപ്‌നിയ. ശ്വസനം സുഗമമാകാതിരിക്കുമ്പോഴാണ് ഈ അവസ്ഥയുണ്ടാകുന്നത്. ഉറക്കത്തിനിടെ പേശികള്‍ വിശ്രമിക്കുന്ന സമയത്താണ് ഈ പ്രതിഭാസമുണ്ടാകുന്നത്. ഈ സമയത്ത് തൊണ്ടയുടെ പിന്‍ഭാഗത്തുള്ള മൃദുവായ ടിഷ്യൂ തകരുന്നു. പിന്നീട് ശ്വാസമെടുക്കുന്നതില്‍ തടസ്സം സൃഷ്ടിക്കുകയും ചെയ്യുന്നു. ഇത് ഉറക്കത്തിനിടെ കുറഞ്ഞത് പത്ത് സെക്കന്‍ഡ് വരെ ശ്വാസോച്ഛ്വാസം പൂര്‍ണ്ണമായി നിലയ്ക്കുന്നതിലേയ്ക്ക് നയിക്കുന്നു. സാധാരണയായി ഈ അവസ്ഥയുള്ളവരില്‍ 10 മുതല്‍ 30 സെക്കന്റ് വരെയാണ് ശ്വാസോച്ഛ്വാസത്തിന് തടസ്സം അനുഭവപ്പെടുക. ചിലപ്പോള്‍ ഈ അവസ്ഥ ഒരു മിനിറ്റ് വരെ നീണ്ട് നിന്നേക്കാം. ഇത് രക്തത്തിലെ ഓക്‌സിജന്‍ സംവഹനത്തെ ദോഷകരമായി ബാധിച്ചേക്കാം. നിങ്ങളുടെ ആരോഗ്യനില ഗുരുതരമാക്കാനും ഈ അവസ്ഥ കാരണമായേക്കാം.