• HOME
  • »
  • NEWS
  • »
  • life
  • »
  • Cholesterol | കൊളസ്ട്രോൾ പരിശോധന ആരംഭിക്കേണ്ടത് എപ്പോൾ മുതൽ

Cholesterol | കൊളസ്ട്രോൾ പരിശോധന ആരംഭിക്കേണ്ടത് എപ്പോൾ മുതൽ

ആരോഗ്യകരമായ ജീവിതശൈലി പിന്തുടരുക, പുകവലി കുറയ്ക്കുക, ശാരീരികമായി സജീവമാകുക എന്നിവയിലൂടെ കൊളസ്‌ട്രോളിന്റെ അളവ് നിയന്ത്രിക്കാനാകും

  • Last Updated :
  • Share this:
    നമ്മുടെ ശരീരത്തിലെ എല്ലാ കോശങ്ങളിലും കാണപ്പെടുന്ന ഒരു തരം ലിപിഡ് (കൊഴുപ്പ് പോലുള്ള പദാർത്ഥം) ആണ് കൊളസ്ട്രോൾ. രക്തക്കുഴലുകളുടെ ആന്തരിക ഭിത്തികളിൽ അടിഞ്ഞുകൂടാൻ തുടങ്ങുന്ന കൊളസ്‌ട്രോൾ ഹൃദയ സംബന്ധമായ പല രോഗങ്ങൾക്കും ഇടയാകുന്നു, അങ്ങനെ രക്തത്തിന്റെ സാധാരണ ഒഴുക്ക് പരിമിതപ്പെടുത്തുകയും രക്തസമ്മർദ്ദം, രക്താതിമർദ്ദം, ഹൃദയാഘാതം തുടങ്ങിയ പ്രശ്‌നങ്ങൾ ഉണ്ടാക്കുകയും ചെയ്യുന്നു. ആരോഗ്യകരമായ ഹൃദയത്തിന്റെ പ്രവർത്തനം ഉറപ്പാക്കാൻ കൊളസ്ട്രോളിന്റെ അളവ് നിയന്ത്രിക്കുക തന്നെ വേണം.

    രക്തത്തിലെ ഉയർന്ന അളവിലുള്ള കൊളസ്ട്രോൾ രോഗലക്ഷണങ്ങൾ കാണിക്കണമെന്നില്ല എന്നതിനാൽ, പതിവ് പരിശോധനയിലൂടെ അത് വിലയിരുത്തേണ്ടത് പ്രധാനമാണെന്ന് സെന്റർസ് ഫോർ ഡിസീസ് കൺട്രോൾ ആൻഡ് പ്രിവൻഷൻ (സിഡിസി) പറയുന്നു.

    20 വയസ്സിനു മുകളിൽ പ്രായമുള്ളവർക്കു ഹൃദയ സംബന്ധമായ അസുഖങ്ങൾ വരാനുള്ള സാധ്യത കുറവാണ്. ഇത്തരക്കാർ ഓരോ അഞ്ച് വർഷത്തിനിടയിൽ കൊളസ്ട്രോൾ പരിശോധിച്ചാൽ മതി.

    ഹൃദയ സംബന്ധമായ അസുഖങ്ങൾക്ക് ഉയർന്ന അപകടസാധ്യതയുള്ള ആളുകൾക്ക് ഓരോ 5 വർഷത്തിനിടയിൽ കൂടുതൽ തവണ കൊളസ്ട്രോൾ പരിശോധന നടത്തണം.

    ജനിതക ചരിത്രം, പൊണ്ണത്തടി തുടങ്ങിയ ഘടകങ്ങളെ ആശ്രയിച്ച്, ഡോക്ടർക്ക് അത് കൂടുതൽ തവണ പരിശോധിക്കാൻ ആവശ്യപ്പെടാം. ഒരു വർഷത്തിൽ മൂന്ന്-നാല് തവണ കൊളസ്ട്രോൾ നില പരിശോധിക്കാം.

    ഹൃദയാരോഗ്യത്തിനായി സമർപ്പിച്ചിരിക്കുന്ന അമേരിക്കൻ ഹാർട്ട് അസോസിയേഷൻ എന്ന നോൺ പ്രോഫിറ്റ് ഓർഗനൈസേഷൻ കൊളസ്ട്രോൾ പരിശോധിക്കുന്നതിനുള്ള ചില മാർഗ്ഗനിർദ്ദേശങ്ങൾ സംബന്ധിച്ച് ചില കാര്യങ്ങൾ പറഞ്ഞിട്ടുണ്ട്.

    കൊളസ്‌ട്രോളിന്റെ എൽഡിഎൽ (ലോ-ഡെൻസിറ്റി ലിപ്പോപ്രോട്ടീൻ) ഘടകം ദീർഘകാലത്തേക്ക് അടിഞ്ഞുകൂടുമ്പോൾ വിവിധ ഹൃദ്രോഗങ്ങൾക്ക് ഉത്തരവാദികളാണെന്നും സങ്കീർണതകൾക്കുള്ള അപകട ഘടകങ്ങൾ വർദ്ധിപ്പിക്കുമെന്നും ഇത് പ്രസ്താവിക്കുന്നു. മറുവശത്ത്, എച്ച്ഡിഎൽ (ഉയർന്ന സാന്ദ്രതയുള്ള ലിപ്പോപ്രോട്ടീൻ) ചീത്ത കൊളസ്ട്രോളിന്റെ ദോഷകരമായ ഫലങ്ങൾ കുറയ്ക്കാൻ സഹായിക്കുന്നു.

    Also Read- Cervical Cancer Vaccine | ഗർഭാശയമുഖ കാൻസർ തടയാന്‍ ഇന്ത്യ വാക്‌സിന്‍ വികസിപ്പിച്ചു; 200-400 രൂപയ്ക്ക് ഉടൻ ലഭ്യമാക്കും

    കൊളസ്‌ട്രോളിന്റെ ഉയർന്ന അളവ് സ്ത്രീകളേക്കാൾ പുരുഷന്മാർക്ക് താരതമ്യേന ഉയർന്ന അപകടസാധ്യതയുണ്ടെന്നും സംഘടന നടത്തിയ ഗവേഷണം പറയുന്നു.

    ആരോഗ്യകരമായ ജീവിതശൈലി പിന്തുടരുക, പുകവലി കുറയ്ക്കുക, ശാരീരികമായി സജീവമാകുക എന്നിവയിലൂടെ കൊളസ്‌ട്രോളിന്റെ അളവ് നിയന്ത്രിക്കാനാകും. ആഴ്ചയിൽ രണ്ടര മണിക്കൂറെങ്കിലും പതിവ് മിതമായ വ്യായാമം ആരോഗ്യ വിദഗ്ധർ ശുപാർശ ചെയ്യുന്നു, കൂടാതെ ട്രാൻസ് ഫാറ്റുകളും പൂരിത കൊഴുപ്പുകളും കുറവുള്ള ആരോഗ്യകരമായ സമീകൃതാഹാരവും ശീലമാക്കുക. പഴങ്ങളും പച്ചക്കറികളും കൂടുതലായി ഭക്ഷണത്തിൽ ഉൾപ്പെടുത്തുകയും വേണം. അതുപോലെ കശുവണ്ടിപരിപ്പ്, ബദാം, പിസ്ത തുടങ്ങിയ നട്സും കൊളസ്ട്രോൾ നിയന്ത്രിക്കാൻ സഹായിക്കും.
    Published by:Anuraj GR
    First published: