അറിഞ്ഞില്ല ഉണ്ണീ ! ജോലിക്കെടുത്ത അറിയിപ്പായിരുന്നു അതെന്ന്; തുടരെയുള്ള ഫോണ്‍ കോള്‍ തട്ടിപ്പെന്ന് കരുതി എടുക്കാതെ പോയപ്പോൾ

ജോലിക്കെടുത്തെന്ന അറിയിപ്പുമായി വന്ന ഒരു പ്രധാനപ്പെട്ട ഫോണ്‍ കോള്‍ തട്ടിപ്പാണെന്ന് തെറ്റിദ്ധരിച്ചതിനെക്കുറിച്ച് യുവാവ് പങ്കുവെച്ച അനുഭവം സോഷ്യല്‍ മീഡിയയില്‍ വൈറലാകുന്നു. സമൂഹമാധ്യമമായ റെഡ്ഡിറ്റിലാണ് (Reditt) യുവാവ് തന്റെ അനുഭവക്കുറിപ്പ് പങ്കുവെച്ചത്. യുഎസിലെ ഒരു നമ്പറില്‍ നിന്ന് തനിക്ക് തുടരെ ഫോണ്‍ കോളുകള്‍ വന്നതായി പോസ്റ്റില്‍ യുവാവ് അവകാശപ്പെട്ടു. എന്നാല്‍, ഇപ്പോള്‍ വ്യാപകമായ തട്ടിപ്പുമായി ബന്ധപ്പെട്ടാണ് ഇതെന്ന് കരുതിയ യുവാവ് ഫോണ്‍കോളുകള്‍ അവഗണിച്ചു. പക്ഷേ, ഒരേ നമ്പറില്‍ നിന്ന് പലതവണ ഫോണ്‍ കോള്‍ എത്തിയതോടെ യുവാവില്‍ സംശയം ജനിച്ചു. തുടര്‍ന്ന് ട്രൂകോളറില്‍ നമ്പര്‍ എടുത്ത് പരിശോധിച്ചു. എന്നാല്‍, ആ നമ്പര്‍ ആമസോണിന്റെ റിക്രൂട്ട്‌മെന്റ് ടീമില്‍ നിന്നാണെന്ന് അദ്ദേഹം കണ്ടെത്തി. തന്നെ ഇക്കാര്യം ഞെട്ടിച്ചതായും അദ്ദേഹം പറഞ്ഞു.