Hajj 2023 | ഹജ്ജ് ഈ വർഷം 1.75 ലക്ഷം ഇന്ത്യാക്കാർക്ക്; രജിസ്ട്രേഷൻ ആരംഭിച്ചു; അപേക്ഷിക്കേണ്ടത് എങ്ങനെ?

Published by:Jayesh Krishnan
news18-malayalam

Last Updated:January 10, 2023 3:41 PM IST

കഴിഞ്ഞ വർഷം, കോവിഡ് നിയന്ത്രണങ്ങൾ മൂലം, 79,237 ഇന്ത്യക്കാർക്ക് മാത്രമാണ് ഹജ്ജ് തീർത്ഥാടനത്തിന് അനുമതി ലഭിച്ചത്.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

കോവിഡിനെത്തുടർന്ന് ഹജ്ജ് തീർത്ഥാടകർക്ക് ഏർപ്പെടുത്തിയ നിയന്ത്രണങ്ങൾ‍ നീക്കം ചെയ്യാനൊരുങ്ങി സൗദി അറേബ്യ. ഈ വർഷത്തെ ഹജ്ജ് തീർഥാടകരുടെ എണ്ണത്തിൽ നിയന്ത്രണം ഉണ്ടാകില്ലെന്ന് സൗദി അറിയിച്ചു. തീർത്ഥാടകരുടെ എണ്ണം കോവിഡിനു മുൻപുള്ളതു പോലെ തന്നെ ആകുമെന്നും ഹജ്ജ്, ഉംറ മന്ത്രി തൗഫീഖ് അൽ റബിയ പറഞ്ഞു. ജൂണിലായിരിക്കും ഈ വർഷത്തെ ഹജ്ജ് തീർത്ഥാടനം.

2019 ൽ ഏകദേശം 2.5 ദശലക്ഷം ആളുകളാണ് ഹജ്ജിൽ പങ്കെടുത്തത്. കോവിഡിനു പിന്നാലെ തുടർന്നുള്ള ‌രണ്ടു വർഷങ്ങളിൽ തീർത്ഥാടകരുടെ എണ്ണത്തിൽ നിയന്ത്രണം ഏർപ്പെടുത്തിയിരുന്നു. വിദേശത്ത് നിന്നുള്ള 780,000 പേർ ഉൾപ്പെടെ , 2022-ൽ, ഏകദേശം 900,000 തീർത്ഥാടകരാണ് ഹജ്ജിനെത്തിയത്. 65 വയസിൽ താഴെയുള്ളതും, വാക്സിൻ സ്വീകരിച്ചതും കോവിഡ് നെഗറ്റീവ് ടെസ്റ്റ് ഹാജരാക്കുന്നതുമായി തീർത്ഥാടകർക്കു മാത്രമേ പ്രവേശനം ഉണ്ടായിരുന്നുള്ളൂ.

2023-ൽ ഹജ്ജ് തീർത്ഥാടനത്തിനായി ഇന്ത്യ സൗദി അറേബ്യയുമായി വാർഷിക കരാറിൽ ഒപ്പു വെച്ചു. ഈ വർഷം 1,75,025 ഇന്ത്യക്കാർക്ക് ഹജ്ജ് തീർത്ഥാടനത്തിൽ പങ്കെടുക്കാൻ കഴിയും. കഴിഞ്ഞ വർഷം, കോവിഡ് നിയന്ത്രണങ്ങൾ മൂലം, 79,237 ഇന്ത്യക്കാർക്ക് മാത്രമാണ് ഹജ്ജ് തീർത്ഥാടനത്തിന് അനുമതി ലഭിച്ചത്. 2020 ൽ 1.24 ലക്ഷം ഇന്ത്യക്കാരാണ് ഹജ്ജിൽ പങ്കെടുത്തത്.

ഹജ്ജിന് അപേക്ഷിക്കുന്നതിനു മുൻപ് അറിഞ്ഞിരിക്കേണ്ട കാര്യങ്ങൾ

തീർഥാടന വിസ (pilgrimage visa) ഉള്ളവരോ സൗദി അറേബ്യയിലെ താമസക്കാരോ ആയിരിക്കണം
2023 ലെ ഹജ്ജിനുള്ള രജിസ്ട്രേഷൻ ആരംഭിച്ചതായി സൗദി അറിയിച്ചിരുന്നു. 3,984 റിയാൽ (ഏകദേശം 87,000 രൂപ) മുതലാണ് പാക്കേജുകൾ ആരംഭിക്കുന്നത്.
ആഭ്യന്തര തീർഥാടകർക്ക് മുൻ വർഷങ്ങളിലെ പോലെ മുഴുവൻ തുകയും ഒറ്റത്തവണയായി അടയ്ക്കുന്നതിന് പകരം, മൂന്ന് ഗഡുക്കളായി ഹജ്ജ് പാക്കേജ് അടയ്ക്കാനുള്ള ഓപ്ഷൻ ഉണ്ട്.
ഹജ്ജിന് റിസേർവ് ചെയ്യുന്നതിന് തീർത്ഥാടകർ മൊത്തം ചെലവിന്റെ 20 ശതമാനം ആദ്യം നൽകണമെന്ന് സൗദി അറിയിച്ചിട്ടുണ്ട്. രജിസ്ട്രേഷൻ നടത്തി 72 മണിക്കൂറിനുള്ളിൽ ഡൗൺ പേയ്മെന്റ് നൽകണം.
ആകെ പാക്കേജിന്റെ 40 ശതമാനം വീതം വരുന്നതാണ് രണ്ടാമത്തെയും മൂന്നാമത്തെയും ഗഡു. കൃത്യസമയത്ത് പണമടച്ചില്ലെങ്കിൽ സർവേഷൻ റദ്ദാക്കപ്പെടും.

ഇന്ത്യക്കാർ അപേക്ഷിക്കേണ്ടത് എങ്ങനെ?

hajcommittee.gov.in വെബ്സൈറ്റിൽ പറയുന്നതു പ്രകാരം, മൊബൈൽ ഫോൺ നമ്പറും ഇമെയിൽ ഐഡിയും ഉപയോഗിച്ച് ഹജ്ജിനായി ഓൺലൈനായി അപേക്ഷിക്കാം.

അപേക്ഷകർ താഴെ പറയുന്ന ഘട്ടങ്ങൾ

ഹജ്ജ് അപേക്ഷയ്ക്കുള്ള പുതിയ രജിസ്ട്രേഷൻ ഫോം തിരഞ്ഞെടുക്കുക
ഹജ്ജ് അപേക്ഷാ ഫോം പൂരിപ്പിക്കുക
ഫോട്ടോയും ആവശ്യമുള്ള മറ്റ് രേഖകളും അപ്‌ലോഡ് ചെയ്യുക
ഫീസ് അടയ്ക്കുക
ഹജ്ജ് അപേക്ഷാ ഫോറത്തിന്റെ പ്രിന്റെടുക്കുക.

ജീവിതശൈലിയുടെ മാറ്റങ്ങൾ ആരോഗ്യം, ആഹാരം, സംസ്കാരം എല്ലാം അറിയാൻ News18 മലയാളത്തിനൊപ്പം വരൂ