Uterine Fibroids | ഗർഭാശയ മുഴകൾ അപകടകരമാണോ? ലക്ഷണങ്ങൾ എന്തൊക്കെ? എങ്ങനെ തടയാം?

Published by:Arun krishna
news18-malayalam

Last Updated:March 12, 2022 3:02 PM IST

ലോകത്തിലെ 80 ശതമാനം സ്ത്രീകളിലും അവരുടെ 50 വയസ്സിനുള്ളിൽ എപ്പോഴെങ്കിലും ഗർഭാശയ മുഴകൾ ഉണ്ടാകുന്നു എന്ന് പഠനങ്ങൾ പറയുന്നു.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

ഗർഭാശയത്തിൽ (Uterus) വളരുന്ന മുഴകളാണ് (Tumors) ഗർഭാശയ മുഴകൾ (Uterine Fibroids). പലപ്പോഴും ഗർഭം ധരിക്കുന്ന വർഷങ്ങളിൽ ഉണ്ടാവുന്ന നിരുപദ്രവകരമായ ട്യൂമറുകൾ ആണ് ഗർഭാശയ മുഴകൾ. ഫൈബ്രോയിഡുകൾ, ലിയോമയോമാസ് (Leiomyomas), മയോമാസ് (Myomas), ഗർഭാശയ മയോമകൾ (Uterine Myomas), ഫൈബ്രോമാസ് (Fibromas) എന്നിങ്ങനെ വിവിധ പേരുകളിൽ ഗർഭാശയ മുഴ അറിയപ്പെടുന്നു.

ഈ മുഴകൾ കാൻസർ കോശങ്ങൾ പോലെ തോന്നാമെങ്കിലും അപകടകാരികളായ ഗർഭാശയ ക്യാൻസറുമായി ഈ ട്യൂമറിന് ബന്ധമില്ല. എന്നാൽ വളരെ അപൂർവമായ ചില സാഹചര്യങ്ങളിൽ ഈ ട്യൂമറുകൾ പ്രത്യുൽപ്പാദന അവയവങ്ങളിലേക്ക് വ്യാപിക്കുന്നു.

read also- Pregnant Woman | നിങ്ങള്‍ ഗര്‍ഭിണിയാണോ എങ്കില്‍ ഇക്കാര്യങ്ങള്‍ തീര്‍ച്ചയായും ശ്രദ്ധിക്കണം

ലോകത്തിലെ 80 ശതമാനം സ്ത്രീകളിലും അവരുടെ 50 വയസ്സിനുള്ളിൽ എപ്പോഴെങ്കിലും ഗർഭാശയ മുഴകൾ ഉണ്ടാകുന്നു എന്ന് പഠനങ്ങൾ പറയുന്നു. പക്ഷെ അവരിൽ ഭൂരിഭാഗം പേരിലും അപകടകരമായ രോഗലക്ഷണങ്ങൾ ഒന്നും ഉണ്ടാകുന്നില്ലെന്നതും ശ്രദ്ധേയമാണ്. ഗുരുതരമായ കേസുകളുള്ള സ്ത്രീകൾക്ക് അവരുടെ ആർത്തവസമയത്ത് കഠിനമായ വയറുവേദന അനുഭവപ്പെടുകയും അമിതമായി രക്തം നഷ്ടപ്പെടുകയും ചെയ്യുന്നു.

read also- Vegetarian Food | നിങ്ങള്‍ വെജിറ്റെറിയന്‍ ഭക്ഷണ പ്രിയനാണോ? ദിവസവും സസ്യാഹാരങ്ങള്‍ കഴിക്കുന്നതിന്റെ ഗുണങ്ങള്‍

ഗർഭാശയ മുഴകൾക്ക് പ്രത്യേകമായതും പ്രകടമായതുമായ രോഗലക്ഷണങ്ങൾ ഒന്നും തന്നെ ഇല്ല. ഗർഭാശയ മുഴകളുടെ വലിപ്പം, എണ്ണം തുടങ്ങിയ ഘടകങ്ങളെ ആശ്രയിച്ചായിരിക്കും അതിന്റ രോഗലക്ഷങ്ങൾ പ്രകടമാകുന്നത്. ഗർഭാശയത്തിൽ മുഴകൾ വളരുന്നത് പല കാരണങ്ങളാലാകാം. അതിൽ ജനിതക ഘടകങ്ങൾ, ഹോർമോൺ അസന്തുലിതാവസ്ഥ, പൊണ്ണത്തടി തുടങ്ങിയ നിരവധി കാരണങ്ങൾ ഉണ്ടാകാം. എന്നിരുന്നാലും ഗർഭാശയ മുഴകളുടെ യഥാർത്ഥ കാരണം കണ്ടെത്താൻ കഴിയില്ല.

ഗർഭാശയ മുഴകളുടെ ചില സാധാരണ രോഗലക്ഷണങ്ങൾ നമുക്ക് നോക്കാം.

- കഠിനമായ വയറുവേദന

- ഇടയ്ക്കിടെ മൂത്രമൊഴിക്കൽ

- മൂത്രമൊഴിക്കുമ്പോൾ സമ്മർദ്ദം അനുഭവപ്പെടുക.

- മലബന്ധവും ദഹനക്കേടും

- തുടകൾ, ഉദരം, പെൽവിക്, പുറം എന്നിവിടങ്ങളിൽ വേദന.

ഗർഭാശയ മുഴകളുമായി ബന്ധപ്പെട്ട അപകടസാധ്യതകളും സങ്കീർണ്ണതകളും എന്തൊക്കെയാണ്?

ഗർഭാശയ മുഴകൾ പടരില്ല. എല്ലാ മുഴകളും വലിയ അപകടകാരികളുമല്ല. അതിൽ അപകടകരമായ ഗർഭാശയ മുഴകളുള്ള സ്ത്രീകൾക്ക് ഗർഭം ധരിക്കാൻ ബുദ്ധിമുട്ടുണ്ടാകും. സബ്മുകോസൽ ഫൈബ്രോയിഡുകൾ (Submucosal Fibroid) എന്നറിയപ്പെടുന്ന ഗർഭാശയ മുഴ സ്ത്രീകളിൽ വന്ധ്യതയിലേക്ക് നയിക്കുകയോ ഗർഭച്ഛിദ്രസാധ്യത വർദ്ധിപ്പിക്കുകയോ ചെയ്യാം. ഗർഭിണിയായ ഒരു സ്ത്രീയിൽ ഉണ്ടാകുന്ന ഗർഭാശയ മുഴകൾ മറുപിള്ളയ്ക്കും ഗർഭസ്ഥ ശിശുവിന്റെ വളർച്ച മുരടിക്കുന്നതിനും കാരണമായേക്കാം. ഇത് കൂടാതെ

മാസം തികയാതെയുള്ള പ്രസവത്തിനും കാരണമായേക്കാം.

ഗർഭാശയ മുഴകൾ എങ്ങനെ തടയാം?

- ആരോഗ്യകരമായ ശരീരഭാരം നിലനിർത്തുക

- പഴങ്ങളും പച്ചക്കറികളും കഴിക്കുക

- ജങ്ക് ഫുഡ് ഒഴിവാക്കുക

- പതിവായി വ്യായാമം ചെയ്യുക

- എന്തെങ്കിലും ബുദ്ധിമുട്ടുകൾ ഉണ്ടെങ്കിൽ ഗൈനക്കോളജിസ്റ്റിനെ ഉടൻ കാണുക

ഇക്കാര്യങ്ങൾ ശ്രദ്ധിച്ചാൽ ഗർഭാശയ മുഴകൾ ഉണ്ടാകുന്നത് ഒരു പരിധി വരെ തടയാനാകും.

ജീവിതശൈലിയുടെ മാറ്റങ്ങൾ ആരോഗ്യം, ആഹാരം, സംസ്കാരം എല്ലാം അറിയാൻ News18 മലയാളത്തിനൊപ്പം വരൂ