രഞ്ജി ട്രോഫി:മുഹമ്മദ് അസറുദ്ദീന്‍ കേരളത്തെ നയിക്കും;സഞ്ജു സാംസണും ടീമിൽ

രഞ്ജി ട്രോഫിക്കുള്ള കേരള ടീമിനെ പ്രഖ്യാപിച്ചു. വിക്കറ്റ് കീപ്പര്‍ ബാറ്റർ മുഹമ്മദ് അസറുദ്ദീന്‍ ആണ് ഇത്തവണ രഞ്ജിയില്‍ കേരള ടീമിന്റെ ക്യാപ്റ്റൻ. ഈ സീസണിലെ ദുലീപ് ട്രോഫിയിൽ സൌത്ത് സോണിനെ സയിച്ചതും മുഹമ്മദ് അസറുദ്ദീനായിരുന്നു.കഴിഞ്ഞ രഞ്ജി സീസണിൽ കേരളത്തിനായി എറ്റവും കൂടുതൽ റൺസ് നേടിയത് അസറുദ്ദീനായിരുന്നു. ഫൈനൽ വരെയുള്ള ടീമിൻ്റെ മുന്നേറ്റത്തിൽ അസറുദ്ദീന്റെ പ്രകടനം പ്രധാന പങ്ക് വഹിച്ചിരുന്നു.കഴിഞ്ഞ സീസണിന് മുമ്പ് തമിഴ്‌നാട്ടിൽ നിന്ന് എത്തിയ ബാബ അപരാജിത്തിനെ വൈസ് ക്യാപ്റ്റനായി നിയമിച്ചു.കഴിഞ്ഞ രഞ്ജി സീസണില്‍ കേരളത്തിന്റെ ക്യാപ്റ്റനായിരുന്ന സച്ചിന്‍ ബേബിയും ടീമിൽ ഇടം പിടിച്ചിട്ടുണ്ട്.