വികാരങ്ങളെല്ലാം വിരൽത്തുമ്പിൽ; വാക്കുകൾക്കതീതമായ ഇമോജികൾക്കുമുണ്ട് പറയാനേറെ...

പറയണമെന്നുണ്ടാകാം... എന്നാൽ എങ്ങനെ തുടങ്ങണമെന്നോ അവസാനിപ്പിക്കണമെന്നോ അറിയില്ല. ജീവിതത്തിൽ ഇങ്ങനെയൊരു സന്ദർഭത്തിലൂടെ കടന്നു പോകാത്തവർ കുറവായിരിക്കും. പുതിയ തലമുറയെ സംബന്ധിച്ച് വാക്കുകൾ കൊണ്ട് പ്രകടിപ്പിക്കാൻ സാധ്യമല്ലാത്ത ഇത്തരം സന്ദർഭങ്ങളെ കൈകാര്യം ചെയ്യാൻ സോഷ്യൽമീഡിയ ആശയവിനിമയത്തിൽ ഇമോജികൾ വളരെയധികം സഹായകരമാകുന്നുണ്ട്. സ്നേഹം, ദേഷ്യം, സന്തോഷം, ചിരി, ഞെട്ടൽ, വെറുപ്പ്, പരിഹാസം തുടങ്ങി നമ്മുടെ വികാരങ്ങളെല്ലാം വിരൽത്തുമ്പിലെത്തിക്കുന്ന ഇമോജികൾക്കുമുണ്ട് ഒരു ചരിത്രം. ഇന്ന് ജൂലൈ 17 ലോക ഈമോജി ദിനമാണ്.