Budget 2023: ഇലക്ട്രിക് വാഹനങ്ങൾക്ക് വില കുറയും; EV ബാറ്ററികൾക്കുള്ള സബ്സിഡി ഒരു വർഷം കൂടി നീട്ടി

“ബജറ്റ് പ്രായോഗികമാണെന്നും രാജ്യത്ത് ഗ്രീൻ മൊബിലിറ്റി അഡോപ്ഷൻ മുന്നോട്ട് കൊണ്ടുപോകുന്നതിനുള്ള ശരിയായ നടപടികൾ സ്വീകരിച്ചിട്ടുണ്ട്”- ഇന്ത്യയിലെ ഏറ്റവും വലിയ ലിഥിയം-അയൺ ബാറ്ററി നിർമ്മാതാക്കളായ ട്രോൺടെക്കിന്റെ സിഇഒയും സ്ഥാപകനുമായ സാമ്രത് കൊച്ചാർ പറഞ്ഞു, Li-ion സെല്ലുകളുടെ കസ്റ്റംസ് തീരുവ ഇളവ് നീട്ടുന്നതും Li-ion ബാറ്ററികൾ നിർമ്മിക്കാൻ ഉപയോഗിക്കുന്ന ഇറക്കുമതി ചെയ്ത യന്ത്രങ്ങളുടെ കസ്റ്റംസ് തീരുവ നീക്കം ചെയ്യുന്നതും EV ബാറ്ററികളുടെ വില കുറയ്ക്കുകയും അതുവഴി EV വാഹനങ്ങളുടെ വില കുറയാനും ഇടയാക്കും. ബാറ്ററി പാക്ക് നിർമ്മാതാക്കൾക്കായി ഒരു പിഎൽഐ സ്കീം കൊണ്ടുവരുന്നതും ഇവി മേഖലയിൽ പ്രവർത്തിക്കുന്ന നിരവധി എംഎസ്എംഇകൾക്ക് പ്രയോജനം ചെയ്യുമെന്നും ഈ മേഖലയുമായി ബന്ധപ്പെട്ട വിദഗ്ദ്ധർ പറയുന്നു.