Greta Electric Scooters | നാല് ഇലക്ട്രിക് സ്‌കൂട്ടറുകൾ വിപണിയിലെത്തിച്ച് ഗ്രേറ്റ; വില 60,000 മുതൽ

ഗുജറാത്ത് കേന്ദ്രീകരിച്ച് പ്രവർത്തിക്കുന്ന ഗ്രേറ്റ ഇലക്ട്രിക് സ്കൂട്ടേഴ്സ് (Greta Electric Scooters) നാല് സ്‌കൂട്ടറുകൾ അവതരിപ്പിച്ചുകൊണ്ട് ഇരുചക്ര വാഹന വിപണിയിൽ തരംഗം സൃഷ്ടിക്കാൻ ഒരുങ്ങുകയാണ്. 60,000 രൂപയ്ക്കും 92,000 രൂപയ്ക്കും ഇടയിൽ വില വരുന്ന 4 വേരിയന്‍റുകളാണ് അവർ പുറത്തിറക്കിയിരിക്കുന്നത്. ഹാർപ്പർ, ഇവെസ്പ, ഗ്ലൈഡ്‌, ഹാർപ്പർ ഇസഡ് എക്സ് എന്നീ പേരുകളിലാണ് ഈ നാല് മോഡലുകളും അറിയപ്പെടുക. ഗതാഗതസൗകര്യം കൂടുതൽ സുഖപ്രദവും ചെലവ് കുറഞ്ഞതുമാക്കി മാറ്റുക എന്നതാണ് ഈ മോഡലുകളുടെ അവതരണത്തിലൂടെ ഗ്രേറ്റ ലക്ഷ്യമിടുന്നത്. ഏറ്റവും നൂതനമായ സാങ്കേതികവിദ്യ പ്രയോജനപ്പെടുത്തിയാണ് ഈ വാഹനങ്ങൾ വികസിപ്പിച്ചിരിക്കുന്നത് എന്നാണ് ഇലക്ട്രിക് വാഹന നിർമാതാക്കളുടെ അവകാശവാദം.