ആദ്യ മാരുതി 800 കാർ വീണ്ടും; 36 വർഷങ്ങൾക്ക് മുൻപ് താക്കോൽ കൈമാറിയത് ഇന്ദിരാ ഗാന്ധി

ഇന്ത്യൻ നിരത്തുകളിൽ കാൽനൂറ്റാണ്ടിനിടെ പലരൂപത്തിലുള്ള കാറുകൾ വന്നു. മാരുതിയുടെ തന്നെ വിവിധ മോഡൽ കാറുകൾ നിരത്തിലിറങ്ങി. എങ്കിലും ഇ​ന്ത്യ​ൻ വാ​ഹ​ന​വി​പ​ണി​യി​ൽ സാ​ധാ​ര​ണ​ക്കാ​രു​ടെ വാ​ഹന​മാ​യി മാ​റി​യ മാ​രു​തി സു​സു​കി 800ന് ​ഇ​ന്നും ആ​രാ​ധ​ക​ർക്ക് കുറവില്ല. മാ​രു​തി 800ന്റെ ആ​ദ്യ വാ​ഹ​നം എ​വി​ടാ​ണെ​ന്ന് ആ​ന്വേ​ഷി​ക്കു​ന്ന നി​ര​വ​ധി വാ​ഹ​ന​പ്രേ​മി​ക​ളു​ണ്ട്. 36 വ​ർ​ഷ​ങ്ങ​ൾ​ക്കു മു​ന്പ് അ​ന്ന​ത്തെ പ്ര​ധാ​ന​മ​ന്ത്രി ഇ​ന്ദി​രാ​ഗാ​ന്ധി​യാ​യി​രു​ന്നു ആ​ദ്യ മാ​രു​തി 800ന്റെ താ​ക്കോ​ൽ​ദാ​നം നി​ർ​വ​ഹി​ച്ച​ത്. ഹ​ർ​പാ​ൽ സിം​ഗ് എ​ന്ന ഡ​ൽ​ഹി സ്വ​ദേ​ശി സ്വ​ന്ത​മാ​ക്കി​യ വാ​ഹ​ന​ത്തി​ന്റെ നമ്പർ DIA 6479. ന​റു​ക്കെ​ടു​പ്പി​ലൂ​ടെ​യാ​യി​രു​ന്നു ഹർപാൽ കാർ ​സ്വ​ന്ത​മാക്കിയത്.

ഇ​ന്ത്യ​ൻ സ​ർ​ക്കാ​രി​ന്‍റെ മാ​രു​തി ഉ​ദ്യോ​ഗ് ലി​മി​റ്റ​ഡും ജ​പ്പാ​ന്‍റെ സു​സു​കി മോ​ട്ടോ​ർ കോ​ർ​പ്പും സം​യു​ക്ത​മാ​യി അ​വ​ത​രി​പ്പി​ച്ച എ​സ്എ​സ് 80 വി​ളി​പ്പേ​രു​ള്ള മാ​രു​തി 800 വ​ലി​യ വി​ജ​യ​മാ​യി​രു​ന്നു. മാ​രു​തി സു​സു​കി ഇ​ന്ത്യ എ​ന്ന ഇ​ന്ത്യ​യി​ലെ ഏ​റ്റ​വും വ​ലി​യ വാ​ഹ​ന​നി​ർ​മാ​താ​ക്ക​ളു​ടെ വ​ള​ർ​ച്ച​യ്ക്ക് ഈ ​മോ​ഡ​ലി​നു​ള്ള പ​ങ്ക് വ​ലു​താ​ണ്. മാ​രു​തി 800ന്റെ ആ​ദ്യ വാ​ഹ​നം എ​ന്ന പേ​രു​ണ്ടെ​ങ്കി​ലും DIA 6479 എ​ന്ന വാ​ഹ​നം ഡ​ൽ​ഹി​യു​ടെ തെ​രു​വി​ൽ ഉ​പേ​ക്ഷി​ക്ക​പ്പെ​ട്ട് തു​രു​മ്പെ​ടു​ത്തു ന​ശി​ച്ച നി​ല​യി​ലാ​യി​രു​ന്നു. ഹ​ർ​പ​ാൽ സിം​ഗി​ന്‍റെ മ​ര​ണ​ത്തോ​ടെ​യാ​ണ് വാ​ഹ​നം ഉ​പേ​ക്ഷി​ക്ക​പ്പെ​ട്ട​ത്. എ​ന്നാ​ൽ, വിന്റേജ് വാ​ഹ​ന​ങ്ങ​ൾ ഇ​പ്പോ​ൾ പു​തി​യ രൂ​പ​ത്തി​ൽ നി​ര​ത്തു​ക​ളി​ൽ സ​ജീ​വ​മാ​കു​ന്ന​തി​നൊ​പ്പം ച​രി​ത്ര​മു​റ​ങ്ങു​ന്ന ഈ ​മാ​രു​തി 800നും ​പു​നർ​ജ​ന്മം ലഭിക്കുകയാണ്.

മാ​രു​തി സു​സു​കി​യു​ടെ സ​ർ​വീ​സ് സെന്റ​റി​ൽ അ​റ്റ​കു​റ്റ​പ്പ​ണി​ക​ൾ​ക്കാ​യി ത​യാ​റെ​ടു​ക്കു​ന്ന വാ​ഹ​ന​ത്തി​ന്‍റെ ചി​ത്ര​ങ്ങ​ൾ ഇ​പ്പോ​ൾ പു​റ​ത്തു​വ​ന്നി​ട്ടു​ണ്ട്. എ​ന്നാ​ൽ, ആ​രാ​ണ് വാ​ഹ​നം അ​വി​ടെ എ​ത്തി​ച്ച​തെ​ന്നോ എ​ന്ന് പ​ണി​ക​ൾ പൂ​ർ​ത്തി​യാ​കു​മെ​ന്നോ വി​വ​ര​ങ്ങ​ളി​ല്ല. 35 ബി​എ​ച്ച്പി പ​വ​റു​ള്ള 796 സി​സി, 3 സി​ലി​ണ്ട​ർ എ​ഫ്8​ഡി പെ​ട്രോ​ൾ എ​ഞ്ചി​നാ​യി​രു​ന്നു ആ​ദ്യ മാ​രു​തി സു​സു​കി 800ന്റെ ക​രു​ത്ത്. എ​ഫ്8​ഡി എ​ഞ്ചി​ന്റെ പ​രി​ഷ്ക​രി​ച്ച പ​തി​പ്പാ​ണ് ആ​ൾ​ട്ടോ 800ൽ ​ഉ​പ​യോ​ഗി​ച്ചി​രി​ക്കു​ന്ന​ത്. ഈ ​എഞ്ചി​ൻ 47 ബി​എ​ച്ച്പി പ​വ​റി​ൽ 69 എ​ൻ​എം ടോ​ർ​ക്ക് ഉ​ൽപാ​ദി​പ്പി​ക്കു​ന്നു.