ഇന്ധനപൈപ്പിൽ തകരാർ; 40,000 മാരുതി സുസുകി വാഗൺആർ കാറുകൾ തിരിച്ചുവിളിച്ചു

Last Updated:Aug 23, 2019 3:08 PM IST

2018 നവംബർ 15നും 2019 ഓഗസ്റ്റ് 12നും ഇടയിലുള്ള കാലയളവിൽ നിർമിച്ച വാഹനങ്ങളാണ് തിരിച്ചുവിളിക്കുന്നതെന്ന് മാരുതി സുസുകി ഇന്ത്യ പ്രസ്താവനയിൽ അറിയിച്ചു.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

ഇന്ത്യയിൽ ഏറ്റവും വലിയ കാർ ഉല്പാദകരായ മാരുതി സുസുകി ഇന്ത്യ അവരുടെ വാഗൺആർ വാഹനങ്ങൾ തിരിച്ചുവിളിച്ചു. മാരുതിയുടെ ഹാച്ച് ബാക്ക് വാഹനമായ വാഗൺആറിന്‍റെ 40,618 യൂണിറ്റുകളാണ് തിരിച്ചുവിളിച്ചത്. 2018 നവംബർ 15നും 2019 ഓഗസ്റ്റ് 12നും ഇടയിലുള്ള കാലയളവിൽ നിർമിച്ച വാഹനങ്ങളാണ് തിരിച്ചുവിളിക്കുന്നതെന്ന് മാരുതി സുസുകി ഇന്ത്യ പ്രസ്താവനയിൽ അറിയിച്ചു.

ഇന്ധനപൈപ്പിലെ തകരാറിനെ തുടർന്ന് 1.0 ലിറ്റർ പെട്രോൾ എഞ്ചിൻ മോഡലാണ് സർവീസിനായി തിരിച്ചു വിളിക്കുന്നത്. പരിശോധനയിൽ വാഹനങ്ങളിൽ തകരാർ കണ്ടെത്തിയാൽ സൗജന്യമായി തന്നെ കമ്പനി ആ തകരാർ പരിഹരിക്കുമെന്നും മാരുതി സുസുകി അറിയിച്ചു.

ചിദംബരത്തിന് ഇടക്കാല ആശ്വാസം; എൻഫോഴ്സ്മെന്‍റ് ഡയറക്ടറേറ്റ് അറസ്റ്റ് ചെയ്യുന്നത് തിങ്കളാഴ്ച വരെ സുപ്രീം കോടതി തടഞ്ഞു

2019 ഓഗസ്റ്റ് 24 മുതൽ മാരുതി സുസുകി തങ്ങളുടെ അംഗീകൃത ഡീലർഷിപ്പുകളിൽ പരിശോധന ഒരുക്കിയിട്ടുണ്ട്. തകരാർ കണ്ടെത്തിയ കാറുകളുടെ വിവരം മാരുതിയുടെ വെബ്സൈറ്റിൽ നൽകിയിട്ടുണ്ട്.

അതേസമയം, കഴിഞ്ഞയിടെ പുറത്തിറങ്ങിയ 1.2 ലിറ്റർ എഞ്ചിൻ മോഡലുകളിൽ തകരാർ ഇല്ലെന്നും കമ്പനി അറിയിച്ചിട്ടുണ്ട്.