നാല് കോടി രൂപ വിലയുള്ള ബെൻസ് കാറിന്റെ ഇന്ത്യയിലെ ഏറ്റവും പ്രായം കുറഞ്ഞ ഉടമയെ പരിചയപ്പെടാം
- Published by:Anuraj GR
- news18-malayalam
Last Updated:
ഇന്ത്യയിൽ ലഭ്യമായ ഏറ്റവും വില കൂടിയ മെഴ്സിഡസ് ബെൻസ് മേബാക്ക് മോഡലാണ് അഭിഷേക് എന്ന യുവാവ് സ്വന്തമാക്കിയത്...
ആഡംബരത്തിന്റെ പ്രതീകങ്ങളാണ് മെഴ്സിഡസ് ബെൻസ് കാറുകൾ. വൻകിട ബിസിനസുകാരും സിനിമാതാരങ്ങൾ ഉൾപ്പടെയുള്ള സെലിബ്രിറ്റികളുമൊക്കെ കോടികണക്കിന് രൂപ വിലയുള്ള ബെൻസ് കാർ സ്വന്തമാക്കുന്നത് വലിയ വാർത്തയാകാറുണ്ട്. മെഴ്സിഡസ്-മെയ്ബാക്ക് മറ്റെല്ലാ മെഴ്സിഡസ് കാറുകളിൽ നിന്നും വേറിട്ടുനിൽക്കുന്നത് അതിന്റെ അത്യാഡംബരമായ അത്യാധുനിക സവിശേഷതകൾകൊണ്ടാണ്. നാല് കോടി രൂപയാണ് ഈ മോഡൽ ബെൻസ് കാറിന്റെ വില. സാധാരണഗതിയിൽ ഇത് വൻകിട ബിസിനസുകാരുടെയും സെലിബ്രിറ്റികളുടെയും ഇടയിൽ ഒരു ജനപ്രിയ മോഡലായി മാറിയിട്ടുണ്ട്. എന്നാൽ, ഇന്ത്യയിലെ ഏറ്റവും പ്രായം കുറഞ്ഞ മെഴ്സിഡസ്-മേബാക്ക് എസ്-ക്ലാസ് ഉടമ എന്ന റെക്കോർഡ് സ്വന്തമാക്കിയിരിക്കുകയാണ് 33കാരനായ ഒരു യുവാവ്.
അഭിഷേക് “മോണ്ടി” അഗർവാൾ എന്ന യുവാവാണ് 4 കോടി രൂപ വിലയുള്ള പുതിയ മെഴ്സിഡസ്-മെയ്ബാക്ക് എസ് 680 അൾട്രാ ലക്ഷ്വറി സെഡാൻ സ്വന്തമാക്കുന്ന രാജ്യത്തെ ഏറ്റവും പ്രായം കുറഞ്ഞ വ്യക്തിയായി മാറിയത്. പെർണിയയുടെ പോപ്പ്-അപ്പ് ഷോപ്പ് സ്വന്തമാക്കിയതിനു പുറമേ, ബോംബെ ഐഐടിയിൽ നിന്ന് ബിരുദം നേടിയ അഭിഷേക്, ഇന്ത്യയിലെ മുൻനിര പ്രീമിയം ഫാഷൻ ഹൗസുകളിലൊന്നായ പർപ്പിൾ സ്റ്റൈൽ ലബോറട്ടറീസ് സ്ഥാപിച്ചു.
ആഡംബര കാറുകളുടെ കടുത്ത ആരാധകനാണ് അഭിഷേക്. ലിമിറ്റഡ് എഡിഷൻ Mercedes-Maybach S680 സ്വന്തമാക്കിയതോടെയാണ് അദ്ദേഹം വീണ്ടും വാർത്തകളിൽ ഇടംനേടുന്നത്. മെഴ്സിഡസിന്റെ എഞ്ചിനീയറിംഗും സാങ്കേതികവിദ്യയും ആഡംബരവും പാരമ്പര്യവും സമന്വയിപ്പിക്കുന്ന മോഡലാണ് Maybach S680.
advertisement
സെലിബ്രിറ്റി ഫോട്ടോഗ്രാഫർ വൈറൽ ഭയാനി തന്റെ പുതിയ ആഡംബര സെഡാൻ ഡെലിവറി സ്വീകരിക്കുന്ന അഭിഷേകിന്റെ ചിത്രങ്ങൾ ഇൻസ്റ്റാഗ്രാമിൽ പങ്കിട്ടു. അഭിഷേകിന്റെ മെയ്ബാക്ക് ഒരു ബിഎച്ച് രജിസ്ട്രേഷൻ പ്ലേറ്റിൽ രജിസ്റ്റർ ചെയ്തിട്ടുണ്ട് എന്നതാണ് ചിത്രത്തിൽ വേറിട്ടുനിൽക്കുന്ന ആദ്യത്തെ കാര്യം, ഇത് ഏതെങ്കിലും സംസ്ഥാനങ്ങളിലേക്കോ കേന്ദ്രഭരണ പ്രദേശങ്ങളിലേക്കോ തന്റെ വാഹനം എളുപ്പത്തിൽ കൊണ്ടുപോകാൻ അഭിഷേകിനെ സഹായിക്കും.
ഓരോ തവണയും ഒരു വ്യക്തി ഒരു സംസ്ഥാനത്ത് നിന്ന് മറ്റൊന്നിലേക്ക് മാറുമ്പോൾ, അവർക്ക് അവരുടെ പതിവ് രജിസ്ട്രേഷൻ നമ്പർ മാറ്റുകയോ കൈമാറ്റം ചെയ്യുകയോ ചെയ്യേണ്ടതുണ്ട്. ഭാരത് രജിസ്ട്രേഷൻ എടുത്തവർക്ക് ഇതിന്റെ ആവശ്യം വരുന്നില്ല.
advertisement
നിലവിൽ ഇന്ത്യയിലെ ഏതൊരു മെഴ്സിഡസ്-ബെൻസ് കാറിനെ അപേക്ഷിച്ച് ഏറ്റവും വലിയ എഞ്ചിൻ 6.0L ടർബോചാർജ്ഡ് V12 ആണ്, ഇത് Mercedes-Maybach S 680-ന് കരുത്ത് പകരുന്നു. 9-സ്പീഡ് ഓട്ടോമേറ്റഡ് ട്രാൻസ്മിഷനുമായി ഘടിപ്പിച്ചിരിക്കുന്ന മെയ്ബാക്ക് S 680-ന്റെ എഞ്ചിന് മികച്ച പവർ ഔട്ട്പുട്ട് ഉണ്ട്. 604 bhp കരുത്തും പരമാവധി 900 Nm ടോർക്കുമാണ് ഇത് പ്രദാനം ചെയ്യുന്നത്.
മെയ്ബാക്ക് എസ് 680 എസ്-ക്ലാസ് അടിസ്ഥാനമാക്കിയുള്ളതാണ്, എന്നാൽ ഇതിന് 80 എംഎം വലിയ വീൽബേസ് ഉണ്ട്, ഇത് പിന്നിലെ യാത്രക്കാർക്ക് കൂടുതൽ ഇടം നൽകുന്നു. Mercedes-Maybach S-Class വില 3.80 കോടി രൂപയിൽ ആരംഭിക്കുന്നു, കസ്റ്റമൈസേഷനുകളും മറ്റ് ഫീച്ചറുകളും തിരഞ്ഞെടുക്കുമ്പോൾ വില നാല് കോടി കടക്കും.
Click here to add News18 as your preferred news source on Google. ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ
Location :
Mumbai,Maharashtra
First Published :
Mar 13, 2023 5:28 PM IST
മലയാളം വാർത്തകൾ/ വാർത്ത/Auto/
നാല് കോടി രൂപ വിലയുള്ള ബെൻസ് കാറിന്റെ ഇന്ത്യയിലെ ഏറ്റവും പ്രായം കുറഞ്ഞ ഉടമയെ പരിചയപ്പെടാം
