ട്രക്കുകൾ ക്രോസ് ചെയ്തപ്പോൾ ട്രെയിനാണെന്ന് കരുതി; ടെസ്‌ല കാർ സോഫ്റ്റ്‌വെയറിലെ പാളിച്ച ചൂണ്ടിക്കാട്ടി ഡ്രൈവർ

ഏറ്റവും ആധുനികമായ സെൽഫ് ഡ്രൈവിങ് സാങ്കേതികവിദ്യയാണ് ടെസ്‌ല കാറുകളെ ലോകത്തെ മറ്റ് ഇവികളിൽനിന്ന് വേറിട്ട് നിർത്തുന്നത്. നിരവധി സെൻസറുകളുടെ സഹായത്തോടെയാണ്, ടെസ്‌ല കാറുകൾ ഡ്രൈവർമാരുടെ ജോലി അനായാസമാക്കുന്നത്. എന്നാൽ ടെസ്ലയുടെ സുരക്ഷാ വീഴ്ച വെളിവാക്കുന്ന ഒരു വീഡിയോ അടുത്തിടെയായി സോഷ്യൽ മീഡിയയിൽ പ്രചരിക്കുന്നുണ്ട്. നിരനിരയായി ട്രക്കുകൾ ക്രോസ് ചെയ്തുപോകുമ്പോൾ ടെസ്ലയുടെ സോഫ്റ്റ്‌വെയർ അത് ട്രെയിൻ കടന്നു പോകുന്നതായാണ് അപ്ഡേറ്റ് ചെയ്തത്.