74 വീലുള്ള ട്രക്ക് മഹാരാഷ്ട്രയിൽ നിന്ന് കേരളത്തിലെത്താൻ എടുത്തത് ഒരു വർഷം; കാരണം ഇതാണ്!

Published by:Anuraj GR
news18-malayalam

Last Updated:Jul 19, 2020 7:31 PM IST

കഴിഞ്ഞ വർഷം ജൂലൈയിൽ മഹാരാഷ്ട്രയിൽനിന്ന് യാത്രതിരിച്ച് നാലു സംസ്ഥാനങ്ങളും 1700 കിലോമീറ്ററും താണ്ടി തിരുവനന്തപുരത്ത് എത്താൻ ഈ ട്രക്കിന് വേണ്ടിവന്നത് ഒരു വർഷം.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

2019 ജൂലൈയിൽ മഹാരാഷ്ട്രയിലെ നാസിക്കിൽനിന്ന് കേരളത്തിലേക്ക് തിരിച്ചതാണ് ഭീമാകാരനായ ഒരു ട്രക്ക്. 74 വീലുകളുള്ള ഈ ട്രക്കിലുണ്ടായിരുന്നത് തിരുവനന്തപുരത്തെ വിക്രം സാരാഭായ് സ്പേസ് സെന്‍ററിലേക്ക് ആവശ്യമുള്ള എയ്റോസ്പേസ് ഹൊറിസോണ്ടൽ ഓട്ടോക്ലേവ് എന്ന വമ്പൻ മെഷീനായിരുന്നു. കഴിഞ്ഞ വർഷം ജൂലൈയിൽ മഹാരാഷ്ട്രയിൽനിന്ന് യാത്രതിരിച്ച് നാലു സംസ്ഥാനങ്ങളും 1700 കിലോമീറ്ററും താണ്ടി തിരുവനന്തപുരത്ത് എത്താൻ ഈ ട്രക്കിന് വേണ്ടിവന്നത് ഒരു വർഷം.

എന്തുകൊണ്ടാണ് ഇത് ഇത്രയും സമയം എടുത്തത്?

സാധാരണയായി, ട്രക്കുകൾ മഹാരാഷ്ട്രയിൽ നിന്ന് കേരളത്തിലേക്ക് എത്താൻ ഒരാഴ്ചയാണ് എടുക്കുന്നത്. എന്നാൽ വിഎസ്എസ്.സിയിലേക്കുള്ള വമ്പൻ മെഷീനുമായി വന്ന ഈ ട്രക്കിന് ഒരു ദിവസം ആകെ സഞ്ചരിക്കാനാകുന്നത് അഞ്ച് കിലോമീറ്റർ മാത്രമാണ്. മറ്റ് ട്രക്കുകളെ അപേക്ഷിച്ച് ഇതിനുള്ള വലുപ്പ കൂടുതലാണ് ഇത്രയും കുറച്ചുദൂരം മാത്രം സഞ്ചരിക്കാനാകുന്നതിന്‍റെ കാരണം.

വോൾവോ എഫ്എം മോഡൽ ആയ ഈ ട്രക്ക് വളരെ വലുതാണ്, അത് നീങ്ങുമ്പോൾ റോഡ് മുഴുവൻ തടസമുണ്ടാകുന്നു. മറ്റ് വാഹനങ്ങൾക്ക് കടന്നുപോകാൻ ഇടം ലഭിക്കില്ല. ഈ ട്രക്ക് നിയന്ത്രിക്കുന്നത് തന്നെ 32 പേർ അടങ്ങിയ സംഘമാണെന്ന് ഹിന്ദുസ്ഥാൻ ടൈംസ് റിപ്പോർട്ട് ചെയ്യുന്നു.

Kerala: A truck, carrying an aerospace horizontal autoclave for delivery to Vikram Sarabhai Space Centre in Thiruvananthapuram, reached the city today a year after starting from Maharashtra. Staff say, "Started in July 2019 & travelled across 4 states. Hope to deliver this today" pic.twitter.com/XNaCjXa1C3

— ANI (@ANI) July 19, 2020

തിരക്കേറിയ നഗരങ്ങളിലൂടെ ഈ ട്രക്ക് കടന്നുപോകുമ്പോൾ എന്തെങ്കിലും റോഡ് അപകടമുണ്ടാകാനുള്ള സാധ്യത കൂടുതലാണ്. ഇത് ഒഴിവാക്കാൻ പോലീസ് പൈലറ്റ് ആയി പോകാറുണ്ട്. കൂടാതെ മരങ്ങൾ വെട്ടിമാറ്റുകയും ആവശ്യമെങ്കിൽ ചില സ്ഥലങ്ങളിൽ വൈദ്യുത ലൈനുകൾ നീക്കം ചെയ്യുകയും വേണം.

TRENDING:നിക്കറിന് ഇറക്കം തീരെ കുറഞ്ഞു; തയ്യൽക്കാരനെതിരെ പൊലീസിൽ പരാതി[NEWS]വടികൊണ്ട് കുത്തി; ദേഹത്തേക്ക് പെയിന്റൊഴിച്ചു; കുരങ്ങിന് നേരെ കൊടുംക്രൂരത[NEWS]സ്വർണക്കടത്ത്: ദുബായ് പൊലീസ് അറസ്റ്റ് ചെയ്ത ഫൈസൽ ഫരീദിനെ ഈ ആഴ്ച കൊച്ചിയിലെത്തിക്കും[NEWS]

കൊറോണ വൈറസ് ലോക്ക്ഡൌണും ട്രക്കിന്‍റെ യാത്ര വൈകിപ്പിച്ചു. രാജ്യവ്യാപകമായി ലോക്ക്ഡൗൺ ഏർപ്പെടുത്തിയതിന് ശേഷം ഒരു മാസത്തേക്ക് ട്രക്ക് ആന്ധ്രയിൽ കുടുങ്ങിയതായാണ് റിപ്പോർട്ട്.

‘This article first appeared on Moneycontrol, read the original article here’