അർബൻ ക്രൂയിസർ ഇന്ത്യയിലെ വിൽപന അവസാനിപ്പിച്ച് ടയോട്ട

2018 മാർച്ചിൽ, ടൊയോട്ട മോട്ടോർ കോർപ്പറേഷനും സുസുക്കി മോട്ടോർ കോർപ്പറേഷനും ഇന്ത്യൻ വിപണിയിൽ ഹൈബ്രിഡ് വാഹനങ്ങളും മറ്റ് വാഹനങ്ങളും പരസ്പരം വിതരണം ചെയ്യാനായി ഒരു കരറിൽ ഏർപ്പെട്ടിരുന്നു.ഇതിന്‍റെ ഭാഗമായി, ഇന്ത്യൻ വിപണിയിൽ ഏറെ വിജയിച്ച മാരുതി സുസുക്കി മോഡലുകളായ ബലേനോയുടെയും ബ്രെസ്സയുടെയും സാങ്കേതികത, രൂപകൽപന തുടങ്ങിയ ഫീച്ചറുകൾ ടയോട്ട കടംകൊള്ളുകയും ചില മാറ്റങ്ങൾ വരുത്തിയ ശേഷം ഗ്ലാൻസ, അർബൻ ക്രൂയിസർ എന്നീ ബ്രാൻഡുകളായി വിൽക്കുകയും ചെയ്യുകയായിരുന്നു. അർബൻ ക്രൂയിസർ വിൽപന നിർത്തുകയാണെന്ന് ടയോട്ട പ്രഖ്യാപിച്ചെങ്കിലും ഗ്ലാൻസയുടെ ബുക്കിങും വിൽപനയും തുടരും.