Car Sale | മാർച്ചിലെ കാർ വിൽപനയിൽ വാഗൺ ആർ ഒന്നാമത്; നാലാം സ്ഥാനത്തേക്ക് കുതിച്ച് ടാറ്റ നെക്സോൺ
- Published by:Anuraj GR
- news18-malayalam
Last Updated:
മാരുതിയുടെയും ഹ്യൂണ്ടായിയുടെയും ചില ജനപ്രിയ മോഡലുകളെ പിന്തള്ളിയാണ് നെക്സോൺ നാലാം സ്ഥാനത്തേക്ക് കുതിച്ചത്
കാർ നിർമ്മാണത്തിനുള്ള സെമ കണ്ടക്ടറുകളുടെ ലഭ്യത കുറവിനിടയിലും പ്രതിസന്ധിയെ അതിജീവിച്ച് രാജ്യത്തെ കാർ നിർമ്മാതാക്കൾ. പതിവുപോലെ മാരുതി സുസുകി (Maruti Suzuki) ഒന്നാമതും ഹ്യൂണ്ടായ് (Hyundai India) രണ്ടാം സ്ഥാനത്തും എത്തി. ടാറ്റ (Tata Motors) മൂന്നാം സ്ഥാനം നിലനിർത്തി. അതേസമയം മാർച്ചിൽ രാജ്യത്ത് ഏറ്റവുമധികം വിറ്റഴിച്ച കാറുകളുടെ പട്ടികയിൽ മാരുതി സുസുകി വാഗൺ ആർ ഒന്നാം സ്ഥാനത്തെത്തി. മാരുതിയുടെ ഡിസയർ, ബെലാനോ എന്നീ മോഡലുകൾ രണ്ടും മൂന്നും സ്ഥാനം നിലനിർത്തി. അതേസമയം സബ് എസ്.യു.വി വിഭാഗത്തിൽപ്പെടുന്ന ടാറ്റ നെക്സോൺ വിൽപ്പനയിൽ നാലാം സ്ഥാനത്തെത്തി. മാരുതിയുടെയും ഹ്യൂണ്ടായിയുടെയും ചില ജനപ്രിയ മോഡലുകളെ പിന്തള്ളിയാണ് നെക്സോൺ നാലാം സ്ഥാനത്തേക്ക് കുതിച്ചത്.
വാഹനനിർമ്മാതാക്കൾ ആഗോള തലത്തിൽ ചിപ്പ് പ്രതിസന്ധി നേരിടുന്നതിനാൽ, 2022 മാർച്ചിലെ വിൽപ്പനയിൽ കാർ നിർമ്മാതാക്കൾ പ്രതിസന്ധി നേരിടുന്നുണ്ട്. എന്നിരുന്നാലും, തടസ്സങ്ങൾക്കിടയിലും, മാരുതി സുസുക്കി, ടാറ്റ മോട്ടോഴ്സ്, ഹ്യുണ്ടായ് എന്നിവ മാർച്ചിൽ ഇന്ത്യയിൽ ഏറ്റവും കൂടുതൽ വിറ്റഴിക്കപ്പെടുന്ന 10 കാറുകളുടെ പട്ടികയിൽ ആധിപത്യം നിലനിർത്തി, ചില മോഡലുകൾ 2021 മാർച്ചിനെ അപേക്ഷിച്ച് മികച്ച വളർച്ച രേഖപ്പെടുത്തി. അതിൽ പ്രധാനപ്പെട്ടതാണ് ടാറ്റ നെക്സോൺ.
വിൽപ്പനയുടെ കാര്യത്തിൽ ഇന്ത്യയിലെ മുൻനിര കാർ നിർമ്മാതാക്കളായി മാരുതി സുസുക്കി തുടരുന്നു, ഏറ്റവും മികച്ച 10 വിൽപ്പനയുള്ള വാഹനങ്ങളുടെ പട്ടികയിൽ ആറും മാരുതിയുടേതാണ്. ടാറ്റ മോട്ടോഴ്സും ഹ്യുണ്ടായ് ഇന്ത്യയും ആദ്യ പത്തിൽ രണ്ട് വീതം സ്ഥാനങ്ങൾ നേടി.
advertisement
വാഗൺആർ, ഡിസയർ, ബലേനോ എന്നിവയാണ് മാരുതി സുസുക്കിയുടെ ഏറ്റവും മികച്ച വിൽപ്പനയുള്ള മൂന്ന് മോഡലുകൾ. പട്ടികയിൽ കുറച്ച് താഴെയായി, മാരുതിയുടെ സ്വിഫ്റ്റും വിറ്റാര ബ്രെസ്സയും ഇക്കോയും ഉ്ണ്ട് ഇക്കോ പത്താം സ്ഥാനത്താണ്. വാഗൺആർ, ഡിസയർ, ബ്രെസ്സ എന്നിവ 2021 മാർച്ചിനെ അപേക്ഷിച്ച് യഥാക്രമം 31%, 63%, 10% വളർച്ച രേഖപ്പെടുത്തി, അതേസമയം ആദ്യ 10 പട്ടികയിലെ മറ്റെല്ലാ മാരുതി മോഡലുകൾക്കും വളർച്ച കൈവരിക്കാനായില്ല.
Also Read- Kia Seltos 2022 | കിയ സെൽറ്റോസ് 17 വേരിയന്റുകളിൽ; ഇതിൽ നിങ്ങൾക്ക് വേണ്ടത് ഏത് വേരിയന്റ്?
advertisement
ടാറ്റ മോട്ടോറിന്റെ നെക്സണും പഞ്ച് എസ്യുവികളും നാലും എട്ടും സ്ഥാനങ്ങളിലെത്തി. കാരണം നെക്സോൺ കഴിഞ്ഞ വർഷത്തെ അപേക്ഷിച്ച് 65% വളർച്ച രേഖപ്പെടുത്തി. ഇന്ത്യൻ വിപണിയിൽ താരതമ്യേന പുതുതായി എത്തിയ ടാറ്റ പഞ്ച് കഴിഞ്ഞ മാസം 10,526 യൂണിറ്റുകൾ വിറ്റഴിച്ചുകൊണ്ടാണ് എട്ടാം സ്ഥാനത്തേക്ക് കുതിച്ചെത്തിയത്.
ഹ്യുണ്ടായിയെ സംബന്ധിച്ചിടത്തോളം, ക്രെറ്റയും i10 ഗ്രാൻഡും യഥാക്രമം 10,532 യൂണിറ്റുകളും 9,687 യൂണിറ്റുകളും വിറ്റഴിച്ച് ഏഴാം സ്ഥാനത്തും ഒമ്പതാം സ്ഥാനത്തും എത്തി. രണ്ട് ഹ്യുണ്ടായ് മോഡലുകളും കഴിഞ്ഞ വർഷം മാർച്ചിനെ അപേക്ഷിച്ച് 17 ശതമാനവും 12 ശതമാനവും വളർത്തയിൽ ഇടിവ് രേഖപ്പെടുത്തി.
advertisement
Summary- Car makers in the country have survived the crisis despite the declining availability of semiconductors for car manufacturing. As usual, Maruti Suzuki came in first and Hyundai India came in second. Tata Motors retained the third position. Meanwhile, the Maruti Suzuki Wagon R topped the list of best-selling cars in the country in March.
Click here to add News18 as your preferred news source on Google. ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ
Location :
First Published :
Apr 05, 2022 3:08 PM IST
മലയാളം വാർത്തകൾ/ വാർത്ത/Auto/
Car Sale | മാർച്ചിലെ കാർ വിൽപനയിൽ വാഗൺ ആർ ഒന്നാമത്; നാലാം സ്ഥാനത്തേക്ക് കുതിച്ച് ടാറ്റ നെക്സോൺ
