രാജ്യത്തെ എട്ട് പ്രധാന വ്യവസായ മേഖലകൾ മാർച്ചിൽ രേഖപ്പെടുത്തിയത് 3.6% വളർച്ച; 5 മാസത്തിനിടയിലെ ഏറ്റവും കുറവ്

രാജ്യത്തെ എട്ട് പ്രധാന ഇൻഫ്രാസ്ട്രക്ചർ മേഖലകളുടെ ഉൽപ്പാദനം മാർച്ചിൽ 3.6 ശതമാനം വളർച്ച രേഖപ്പെടുത്തി. ഇത് കഴിഞ്ഞ അഞ്ച് മാസത്തിനിടയിലെ ഏറ്റവും കുറഞ്ഞ വളർച്ചയാണെന്ന് വെള്ളിയാഴ്ച പുറത്തിറക്കിയ സർക്കാർ കണക്കുകൾ വ്യക്തമാക്കുന്നു. പ്രധാന മേഖലകളിലെ ഉൽപ്പാദനം 2023 ഫെബ്രുവരിയിൽ 7.2 ശതമാനവും മുൻ വർഷം ഇതേ മാസം 4.8 ശതമാനവും വർദ്ധിച്ചിരുന്നു. ഇതിന് മുമ്പ് ഏറ്റവും കുറവ് വളർച്ച രേഖപ്പെടുത്തിയത് 2022 ഒക്ടോബറിലായിരുന്നു. 0.7 ശതമാനം മാത്രമായിരുന്നു അന്നത്തെ ഈ മേഖലകളിലെ വളർച്ചാ നിരക്ക്.