പലിശ വരുമാനത്തിൽ 10,000 രൂപ വരെ കിഴിവ് എങ്ങനെ നേടാം? അധിക നികുതി ഒഴിവാക്കാനുള്ള വഴികൾ
- Published by:Naseeba TC
- news18-malayalam
Last Updated:
സെക്ഷൻ 80TTA പ്രകാരം സേവിംഗ്സ് അക്കൗണ്ടുകളിൽ നിന്ന് ലഭിക്കുന്ന പലിശയുടെ കിഴിവ് നികുതിദായകർക്ക് ചെറിയ ആശ്വാസം നൽകുകയും സമ്പാദ്യത്തെ പ്രോത്സാഹിപ്പിക്കുകയും ചെയ്യുന്നു.
ഇന്ത്യയിൽ വ്യക്തികൾക്ക് നൽകുന്ന ചില ആദായനികുതി ഇളവുകൾ അവരെ അവരുടെ ഭാവി ജീവിതത്തിനായി സമ്പാദിക്കാനും രാജ്യത്തിൻറെ സമ്പദ്‌വ്യവസ്ഥയ്ക്ക് പ്രയോജനം ചെയ്യുന്ന ചില പ്രവർത്തനങ്ങൾ സംഘടിപ്പിക്കാനും പ്രോത്സാഹനം നൽകുന്നു. ഈ കിഴിവുകൾ വ്യക്തികളെ അവരുടെ നികുതി ബാധ്യത കുറയ്ക്കാൻ സഹായിക്കുന്നു. സമ്പാദ്യവും നിക്ഷേപവും പ്രോത്സാഹിപ്പിക്കുന്നതിലൂടെ നികുതിദായകർക്കിടയിൽ സാമ്പത്തിക ആസൂത്രണവും സ്ഥിരതയും പ്രോത്സാഹിപ്പിക്കാനാണ് സർക്കാർ ലക്ഷ്യമിടുന്നത്. കൂടാതെ ആരോഗ്യ ഇൻഷുറൻസ്, വിദ്യാഭ്യാസ വായ്പകൾ എന്നിവയ്ക്കുള്ള കിഴിവുകൾ അത്തരം അവശ്യ സേവനങ്ങളിലേക്ക് കൂടുതൽ ആളുകളെ ആകർഷിക്കാനും സഹായിക്കുന്നു. കൂടാതെ ചാരിറ്റി പ്രവർത്തങ്ങൾക്കുള്ള സംഭാവനകൾക്ക് നൽകുന്ന കിഴിവുകൾ ജീവകാരുണ്യ പ്രവർത്തനങ്ങളെയും സാമൂഹിക ഉത്തരവാദിത്തത്തെയും പ്രോത്സാഹിപ്പിക്കുന്നു.
സേവിംഗ്സ് അക്കൗണ്ടുകളിൽ നിന്ന് ലഭിക്കുന്ന പലിശയ്ക്ക് ആദായനികുതി നിയമപ്രകാരം നികുതി നൽകണം. എന്നിരുന്നാലും ആദായനികുതി നിയമത്തിലെ സെക്ഷൻ 80TTA പ്രകാരം സേവിംഗ്സ് അക്കൗണ്ടുകളിൽ നിന്ന് ലഭിക്കുന്ന പലിശയുടെ കിഴിവ് ക്ലെയിം ചെയ്യാവുന്നതാണ്. സെക്ഷൻ 80TTA പ്രകാരം സേവിംഗ്സ് അക്കൗണ്ടുകളിൽ നിന്ന് ലഭിക്കുന്ന പലിശയുടെ കിഴിവ് നികുതിദായകർക്ക് ചെറിയ ആശ്വാസം നൽകുകയും സമ്പാദ്യത്തെ പ്രോത്സാഹിപ്പിക്കുകയും ചെയ്യുന്നു.
Also Read- എന്താണ് CIBIL സ്കോർ? വായ്പകൾ, ക്രെഡിറ്റ് കാർഡുകൾ എന്നിവയ്ക്ക് സിബിൽ സ്കോറിന്റെ പ്രാധാന്യം
advertisement
ആദായനികുതി നിയമത്തിലെ സെക്ഷൻ 80TTA പ്രകാരം ഒരു വ്യക്തിക്ക് 1000 രൂപ വരെ കിഴിവ് അവകാശപ്പെടാവുന്നതാണ്. ബാങ്കുകൾ, കോ-ഓപ്പറേറ്റീവ് സൊസൈറ്റികൾ, പോസ്റ്റ് ഓഫീസുകൾ എന്നിവയിലെ സേവിംഗ്സ് അക്കൗണ്ടുകളിൽ നിന്ന് ലഭിക്കുന്ന പലിശയ്ക്ക് പരമാവധി 10,000 രൂപ വരെയാണ് കിഴിവ് ലഭിക്കുക. ഈ കിഴിവ് വ്യക്തികൾക്കും ഹിന്ദു അവിഭക്ത കുടുംബങ്ങൾക്കും (HUFs) ലഭ്യമാണ്. സേവിംഗ്സ് അക്കൗണ്ടുകളിൽ നിന്ന് ലഭിക്കുന്ന പലിശ 2000 രൂപയിൽ കൂടുതലാണെങ്കിലാണ് ഈ ക്ലെയിമിന് അർഹതയുള്ളൂ. ഒരു സാമ്പത്തിക വർഷം പരമാവധി 10,000 രൂപ വരെ മാത്രമേ ക്ലെയിം ചെയ്യാനാകൂ.
advertisement
സെക്ഷൻ 80TTA പ്രകാരമുള്ള ക്ലെയിം ലഭിക്കാത്ത നിക്ഷേപങ്ങൾ
സ്ഥിര നിക്ഷേപങ്ങൾ, റിക്കറിംഗ് നിക്ഷേപങ്ങൾ എന്നിവയിൽ നിന്ന് ലഭിക്കുന്ന പലിശയ്ക്ക് ഈ കിഴിവ് ലഭ്യമല്ല. കൂടാതെ കിഴിവ് അനുവദിക്കുന്നത് കിട്ടിയ പലിശയിൽ മാത്രമാണ്. സേവിംഗ്സ് അക്കൗണ്ടിൽ നിക്ഷേപിക്കുന്ന പ്രധാന തുകയ്ക്ക് ഈ കിഴിവ് ബാധകമല്ല. കൂടാതെ ഒരു വ്യക്തി ഒന്നിലധികം സേവിംഗ്സ് അക്കൗണ്ടുകളിൽ നിന്ന് പലിശ വരുമാനം നേടുകയാണെങ്കിൽ 10000 രൂപ വരെ കിഴിവ് ലഭിക്കും. 10,000 ഒരിക്കൽ മാത്രമേ ക്ലെയിം ചെയ്യാൻ കഴിയൂ. ഈ പരിധിക്ക് മുകളിലുള്ള ഏതൊരു പലിശ വരുമാനത്തിനും വ്യക്തിയുടെ ബാധകമായ നികുതി സ്ലാബ് അനുസരിച്ച് നികുതി ചുമത്തപ്പെടും. 2019-20 മുതൽ മുതിർന്ന പൗരന്മാർക്ക് 80TTA യ്‌ക്ക് പകരം u/s 80TTB പ്രകാരം കിഴിവ് അനുവദിച്ചിട്ടുണ്ട്.
advertisement
സെക്ഷൻ 80TTA പ്രകാരമുള്ള നികുതി കിഴിവ് എങ്ങനെ ക്ലെയിം ചെയ്യാം?
‘Income from Other Sources’ വിഭാഗത്തിന് കീഴിൽ ആദായ നികുതി റിട്ടേൺ ഫയൽ ചെയ്യുമ്പോൾ നിങ്ങൾക്ക് കിഴിവ് ക്ലെയിം ചെയ്യാം. സേവിംഗ്സ് അക്കൗണ്ടുകളിൽ നിന്ന് നേടിയ മൊത്തം പലിശ വരുമാനം റിപ്പോർട്ട് ചെയ്യുക. തുടർന്ന് അതേ വകുപ്പിന് കീഴിൽ സെക്ഷൻ 80TTA പ്രകാരം 10,000 രൂപ വരെ കിഴിവ് ക്ലെയിം ചെയ്യുക. നിങ്ങളുടെ ക്ലെയിമിനെ പിന്തുണയ്ക്കുന്നതിനായി നിങ്ങളുടെ ബാങ്ക് സ്റ്റേറ്റ്‌മെന്റുകളുടെയും പലിശ സർട്ടിഫിക്കറ്റുകളുടെയും ശരിയായ രേഖകൾ സൂക്ഷിക്കുന്നുണ്ടെന്ന് ഉറപ്പാക്കുക.
advertisement
ഐടി നിയമത്തിന് കീഴിലുള്ള മറ്റ് ചില കിഴിവുകൾ:
സെക്ഷൻ 80C: പ്രൊവിഡന്റ് ഫണ്ട് (PF), നാഷണൽ പെൻഷൻ സ്കീം (NPS), ഇക്വിറ്റി-ലിങ്ക്ഡ് സേവിംഗ് സ്കീം (ELSS) തുടങ്ങിയ നിക്ഷേപങ്ങളിൽ കിഴിവ് ക്ലെയിം ചെയ്യാൻ വ്യക്തികളെ അനുവദിക്കുന്നു. ഈ വകുപ്പ് പ്രകാരം പ്രതിവർഷം 1.5 ലക്ഷം രൂപ വരെ പരമാവധി കിഴിവ് അനുവദനീയമാണ്.
advertisement
സെക്ഷൻ 80D: ഈ വിഭാഗത്തിൽ വ്യക്തികൾക്കും അവരുടെ ജീവിതപങ്കാളിക്കും കുട്ടികൾക്കും രക്ഷിതാക്കൾക്കും വേണ്ടി അടച്ച ആരോഗ്യ ഇൻഷുറൻസ് പ്രീമിയങ്ങളിൽ കിഴിവ് ക്ലെയിം ചെയ്യാൻ അനുവദിക്കുന്നു. ഈ വകുപ്പ് പ്രകാരം അനുവദനീയമായ പരമാവധി കിഴിവ് പ്രതിവർഷം 50,000 രൂപയാണ്.
സെക്ഷൻ 80 E: ഇത് വ്യക്തികളെ തങ്ങൾക്ക് വേണ്ടിയോ കുട്ടികൾക്ക് വേണ്ടിയോ വിദ്യാഭ്യാസ വായ്പകളിൽ അടച്ച പലിശയിൽ നിന്ന് കിഴിവ് ക്ലെയിം ചെയ്യാൻ അനുവദിക്കുന്നു.
സെക്ഷൻ 80G: ചില അംഗീകൃത ചാരിറ്റബിൾ ഓർഗനൈസേഷനുകൾക്ക് നൽകുന്ന സംഭാവനകളിൽ നിന്ന് കിഴിവ് ക്ലെയിം ചെയ്യാൻ ഈ വകുപ്പ് വ്യക്തികളെ അനുവദിക്കുന്നു. ഇതിന് കീഴിൽ അനുവദനീയമായ കിഴിവ് സ്ഥാപനത്തെ ആശ്രയിച്ച് സംഭാവന തുകയുടെ 50% അല്ലെങ്കിൽ 100% വരെ ആകാം.
advertisement
ഐടിആർ ഫയൽ ചെയ്യുമ്പോൾ നിങ്ങൾ തിരഞ്ഞെടുത്ത നികുതി വ്യവസ്ഥയെ ആശ്രയിച്ചിരിക്കും മുകളിൽ പറഞ്ഞ കിഴിവുകളുടെ ലഭ്യത എന്നത് നികുതിദായകർ ശ്രദ്ധിക്കേണ്ടതാണ്.
ഏറ്റവും പുതിയ ബിസിനസ് വാർത്തകൾ, വ്യക്തിപരമായ സാമ്പത്തിക വിവരങ്ങൾ,ദിവസം തോറുമുള്ള സ്വർണ നിരക്ക് എല്ലാം അറിയാൻ News18 മലയാളത്തിനൊപ്പം വരൂ
Location :
New Delhi,New Delhi,Delhi
First Published :
April 30, 2023 12:10 PM IST
മലയാളം വാർത്തകൾ/ വാർത്ത/Money/
പലിശ വരുമാനത്തിൽ 10,000 രൂപ വരെ കിഴിവ് എങ്ങനെ നേടാം? അധിക നികുതി ഒഴിവാക്കാനുള്ള വഴികൾ
