ഇനി പായ്ക്കറ്റ് ഉൽപ്പന്നങ്ങളിൽ നിർമ്മാണ തീയതിയും യൂണിറ്റ് വിൽപ്പന വിലയും നിർബന്ധം

രാജ്യത്ത് വിൽക്കുന്ന ഉൽപ്പന്നങ്ങളിൽ അവ നിർമ്മിച്ച തീയതിയും, യൂണിറ്റിന്റെ വിൽപ്പന വിലയും അച്ചടിക്കുന്നത് നിർബന്ധമാക്കി കേന്ദ്ര ഉപഭോക്തൃ മന്ത്രാലയം ഉത്തരവിറക്കി. തിങ്കളാഴ്ച മുതൽ ഉത്തരവ് പ്രാബല്യത്തിൽ വന്നതായി കേന്ദ്ര ഉപഭോക്തൃ കാര്യ സെക്രട്ടറി രോഹിത് കുമാർ സിങ് അറിയിച്ചു. മുൻ ചട്ട പ്രകാരം ഉൽപ്പന്നങ്ങളിൽ നിർമ്മിച്ച തീയതിയോ അല്ലെങ്കിൽ ഇറക്കുമതി ചെയ്ത തീയതിയോ കമ്പനികളുടെ ഇഷ്ടാനുസരണം അച്ചടിക്കാനുള്ള അവസരം നൽകിയിരുന്നു.