PF Rule Change: പിഎഫിലെ പുതിയ ചട്ടം അറിഞ്ഞില്ലെങ്കിൽ ഏഴ് ലക്ഷം രൂപ ലഭിക്കാനുള്ള അവസരം നിങ്ങൾക്ക് നഷ്ടമാകും

എംപ്ലോയീസ് പ്രൊവിഡന്റ് ഫണ്ട് ഓർഗനൈസേഷൻ (ഇപിഎഫ്ഒ), എല്ലാ പിഎഫ് അംഗങ്ങൾക്കുമായി ഒരു അറിയിപ്പ് നൽകിയിരുന്നത് ഏത്ര പേർ ശ്രദ്ധിച്ചു കാണും? അറിയിപ്പിൽ, ഇപിഎഫ്ഒ അതിന്റെ അംഗങ്ങളോട് അവരുടെ ഇ-നോമിനേഷൻ ഫയൽ ചെയ്യാനാണ് ആവശ്യപ്പെട്ടത്, അതുവഴി അക്കൗണ്ട് ഉടമയുടെ കുടുംബത്തിന്റെ സാമൂഹിക സുരക്ഷ ഉറപ്പാക്കുകയാണ് പിഎഫ് ലക്ഷ്യമിടുന്നത്. ഔദ്യോഗിക ട്വിറ്റർ ഹാൻഡിൽ നിന്ന് ഇപിഎഫ്ഒ ട്വീറ്റ് ചെയ്താണ് ഇക്കാര്യം അറിയിച്ചത്. വളരെ വിശദമായി തന്നെ എങ്ങനെ ഇ-നോമിനേഷൻ ഫയൽ ചെയ്യണമെന്ന് വീഡിയോ സഹിതം വിശദീകരിച്ചിട്ടുണ്ട്. ഘട്ടം ഘട്ടമായി അത് എങ്ങനെ ചെയ്യാമെന്നും പി.എഫ് വിശദീകരിച്ചിട്ടുണ്ട്. "അംഗങ്ങൾ അവരുടെ കുടുംബങ്ങൾക്ക് #സാമൂഹിക സുരക്ഷ നൽകാൻ ഇന്ന് ഇ-നോമിനേഷൻ ഫയൽ ചെയ്യണം. ഇപിഎഫ്/ഇപിഎസ് നാമനിർദ്ദേശം #ഡിജിറ്റലായി ഫയൽ ചെയ്യുന്നതിന് ഈ എളുപ്പ ഘട്ടങ്ങൾ പാലിക്കുക. ”- ഇതായിരുന്നു ഇപിഎഫ്ഒയുടെ ട്വീറ്റ്.