കുഴൽ കിണറിൽ വീഴുന്ന കുഞ്ഞുങ്ങളെ രക്ഷിക്കാം; അമൽജ്യോതി കോളേജ് വിദ്യാർഥികളുടെ കണ്ടുപിടിത്തം വൈറൽ

കോട്ടയം: തമിഴ്നാട്ടിലെ തിരുച്ചിറപ്പള്ളിയിൽ കുഴൽ കിണറിൽ വീണ് രണ്ടര വയസുള്ള കുട്ടി മരിച്ച വാർത്ത ഏറെ സങ്കടകരമായിരുന്നു. 600 അടി താഴ്ചയുള്ള കുഴൽ കിണറിലേക്ക് വീണ കുട്ടിയെ രക്ഷിക്കാനുള്ള ശ്രമം നാലരദിവസത്തിനുശേഷം പരാജയപ്പെടുകയായിരുന്നു. കുട്ടിയെ ജീവനോടെ പുറത്തെത്തിക്കാൻ രക്ഷാപ്രവർത്തകർക്ക് സാധിച്ചില്ല. ഈ സാഹചര്യത്തിൽ കുഴൽകിണറിൽ വീഴുന്ന കുട്ടികളെ രക്ഷിക്കാനുള്ള സംവിധാനം വികസിപ്പിച്ചിരിക്കുകയാണ് കാഞ്ഞിരപ്പള്ളി അമൽജ്യോതി എഞ്ചിനിയറിങ് കോളേജിലെ ഒരുകൂട്ടം വിദ്യാർഥികൾ.