• News
  • Sports
  • Opinion
  • Life
  • Film
  • Buzz
  • Money
  • Photo
  • Videos
  • TV Shows
  • Live TV

കുഞ്ഞ് അഭിജിത്തിന് മോഹൻലാലിനെ കാണണം...ഫോട്ടോ എടുക്കണം...


Updated: July 21, 2018, 1:58 PM IST
കുഞ്ഞ് അഭിജിത്തിന് മോഹൻലാലിനെ കാണണം...ഫോട്ടോ എടുക്കണം...

Updated: July 21, 2018, 1:58 PM IST
കൊല്ലം: പ്രിയ താരം മോഹൻലാലിനെ കാണണം. ഒപ്പം നിന്ന് രണ്ട് ചിത്രങ്ങൾ എടുക്കണം. ഇതാണ് 12 വയസുകാരൻ അഭിജിത്തിൻറെ വലിയ ആഗ്രഹം. കൊല്ലം ചടയമംഗലം വെട്ടുവഴി സ്വദേശിയായ അഭിജിത്തിന്റെ രണ്ട് വൃക്കകളും ജനിച്ചപ്പോൾ മുതൽ തകരാറിലാണ്. അഞ്ച് വർഷമായി ഡയാലിസിസിന് വിധേയനാകുന്ന അഭിജിത്തിന് അസുഖമൊക്കെ മാറി സ്കൂളിലേക്ക് പോകണമെന്നാണ് ആഗ്രഹം.

മൂത്രം പോകാത്തതിനാൽ വെള്ളം കുടിക്കാനാവില്ല. പൊടിയും തണുപ്പും ഒക്കെ ആരോഗ്യത്തെ ബാധിക്കും. വീടും ടിവിയും മാത്രമാണ് ലോകം. അസുഖം കാരണം ഇതുവരെ സ്കൂളിൽ പോകാനായിട്ടില്ല. ആരോഗ്യവാനായതിന് ശേഷം സ്കൂളിൽ പോകണം. പിന്നെ കൂട്ടുകാർക്കൊപ്പം കളിക്കണം. എന്നാൽ അതിലും വലിയ ഒരാഗ്രഹം അഭിജിത് മനസിൽ സൂക്ഷിക്കുന്നു.


'മോഹൻ ലാലിനെ കാണണം, ഒപ്പം നിന്ന് 2 ഫോട്ടോ എടുക്കണം. കിഡ്നി മാറ്റിവെക്കണം. വെള്ളം കുടിക്കണം. സ്കൂളിൽ പോകണം. പഠിക്കണം'- അഭിജിത് പറയുന്നു. ആഴ്ചയിൽ മൂന്ന് ദിവസം അഭിജിത് ഡയാലിസിസിന് വിധേയനാകുന്നുണ്ട്. എസ്.എ.ടി ആശുപത്രിയിൽ ആണ് ചികിത്സ. 12 വയസിന് ശേഷം കിഡ്നി മാറ്റി വയ്ക്കാൻ
ഡോക്ടർമാർ അനുമതി നൽകിയിട്ടുണ്ട്. മകന് കിഡ്നി നൽകാൻ തയാറായി കാത്തിരിക്കുകയാണ് പിതാവ് വിജയകുമാർ. ഡയാലിസിസിന് തന്നെ ഏറെ സാമ്പത്തിക ചെലവുണ്ട്. സുമനസുകൾ സഹായിക്കുമെന്ന പ്രതീക്ഷയിലാണ് വിജയകുമാർ.
Loading...
 
First published: July 21, 2018
കൂടുതൽ കാണുക
Loading...
അടുത്തത് വാര്‍ത്തകള്‍