ജനവാസ കേന്ദ്രത്തിൽ കുടുങ്ങി മോഴയാന; വനംവകുപ്പ് സംഘം പരിശോധന നടത്തുന്നു

സൈലന്റ് വാലി ബഫർ സോണിനോട് ചേർന്ന് കരുവാരകുണ്ട് കൽകുണ്ട് മേഖലയിൽ കാട്ടാനയെ അവശ നിലയിൽ കണ്ടെത്തി. മോഴയാന ആണ് കാട്ടിലേക്ക് തിരിച്ചു പോകാൻ കഴിയാതെ ജനവാസ മേഖലക്ക് സമീപം കുടുങ്ങി കിടക്കുന്നത്. നിലമ്പൂർ സൗത്ത് ഡിഎഫ്ഒയും മെഡിക്കൽ സംഘവും സ്ഥലത്ത് എത്തിയിട്ടുണ്ട്. ആനക്ക് പുറമേക്ക് പരിക്കുകൾ ഒന്നും ഇല്ലെങ്കിലും അസുഖം ഉണ്ടെന്നാണ് പ്രാഥമിക നിഗമനം.