സുഹൃത്തിനെ രക്ഷിക്കാൻ പുഴയിൽ ചാടി; കണ്ണൂരിൽ ക്ഷേത്രദർശനത്തിനെത്തിയ ആൾ മുങ്ങി മരിച്ചു

പാലത്തിന് അടുത്തുള്ള പാർക്കിന് സമീപത്ത് ഫോട്ടോ എടുക്കാൻ ശ്രമിക്കുന്നതിനിടയിലാണ് ഫൈസൽ അപകടത്തിൽ പെട്ടത്. ഫോട്ടോ എടുക്കാൻ മരപ്പലക കൊണ്ട് ഉണ്ടാക്കിയ തടയണക്ക് മുകളിൽ കയറിയതായിരുന്നു.

ഫോട്ടോ എടുക്കുന്നതിനിടയിൽ ഫൈസൽ വഴുതി പുഴയിലേക്ക് വീണു. ഫൈസലിനെ രക്ഷിക്കാനുള്ള ശ്രമത്തിനിടയിൽ ആണ് കൃഷ്ണദാസ് പുഴയിൽ ചുഴിയിൽ പെട്ടത്. ബഹളം കേട്ട് പരിസരത്തുണ്ടായിരുന്ന നാട്ടുകാര ഓടിയെത്തി രക്ഷാപ്രവർത്തനം നടത്തി. ഫൈസലിനെ പെട്ടെന്നുതന്നെ രക്ഷപ്പെടുത്തി കരയിൽ എത്തിച്ചു. പക്ഷെ കൃഷ്ണദാസിന്റെ ജീവൻ രക്ഷിക്കാനായില്ല. പിണറായി പോലീസ് സ്ഥലത്തെത്തി പരിശോധന നടത്തി.