കുറിഞ്ഞിയെ സംരക്ഷിക്കാൻ 'കുറിഞ്ഞി വാക്കത്തോൺ'

മൂന്നാർ കെ എസ് ആർ ടി സി ബസ് സ്റ്റാൻഡിന് സമീപത്ത് നിന്നാരംഭിക്കുന്ന വാക്കത്തോൺ ടൗൺ ചുറ്റി പോസ്റ്റ് ഓഫീസ് ജംഗ്ഷനിൽ സമാപിക്കും. 1989 മുതൽ കുറിഞ്ഞി കാമ്പയിൻ കൗൺസിലിന്‍റെ നേതൃത്വത്തിൽ കുറിഞ്ഞി സംരക്ഷണയാത്ര നടത്തി വരുന്നുണ്ട്. കുറിഞ്ഞി പൂക്കുന്ന വേളകളിൽ കൊടൈക്കനാലിൽ നിന്നും മൂന്നാറിലേക്കാണ് യാത്ര നടത്തിയിരുന്നത്.

വനത്തിലുടെയുള്ള യാത്രക്ക് ഇരു സംസ്ഥാനങ്ങളിലും നിയന്ത്രണം വന്നതിനെ തുടന്നാണ് വാക്കത്തോൺ സംഘടിപ്പിക്കുന്നത്. കഴിഞ്ഞ മാസം കൊടൈക്കനാലിലും വാക്കത്തോൺ സംഘടിപ്പിച്ചിരുന്നു. പങ്കെടുക്കുവാൻ താൽപര്യമുള്ളവർ 13ന് രാവിലെ 11ന് മുമ്പായി മൂന്നാർ കെ എസ് ആർ ടി സി പരിസരത്ത് എത്തണമെന്ന് കൺവീനർ ജി രാജ് കുമാർ അറിയിച്ചു. വിവരങ്ങൾക്ക് 94464 37993, 94474 65029, 94472 66632.