പക്ഷിപ്പനി: കോഴിക്കോട്ടങ്ങാടിയില്‍ ഇനി കുറച്ചുദിവസത്തേക്ക് കോഴി ബിരിയാണിയില്ല

ജില്ലയില്‍ പലയിടങ്ങളിലായി പക്ഷിപ്പനി റിപ്പോര്‍ട്ട് ചെയ്തതോടെ കോഴി, താറാവ് തുടങ്ങിയവയുടെ വില്‍പനയും കടത്തും കോഴിക്കോട് കോര്‍പ്പറേഷന്‍ പരിധിയില്‍ നിരോധിച്ചിരുന്നു. ഇതിനെത്തുടര്‍ന്നാണ് ചിക്കന്‍ വിഭവങ്ങള്‍ മാറ്റി നിര്‍ത്താനുള്ള ഹോട്ടലുടമകളുടെ തീരുമാനം.

പക്ഷേ ഫ്രീസറുകളില്‍ സൂക്ഷിച്ചിരുന്ന മാംസം തീരുന്നതുവരെ ചിലയിടങ്ങളില്‍ ചിക്കന്‍ വിഭവങ്ങളുണ്ടാവും. മട്ടനും ബീഫും സീ ഫുഡും കൊണ്ട് ചിക്കന്‍റെ കുറവ് നികത്താന്‍ വ്യാപാരികള്‍ ശ്രമിക്കുന്നുണ്ടെങ്കിലും കച്ചവടത്തില്‍ ഇടിവുണ്ടായിട്ടുണ്ട്. വൈറസ് ബാധയുമായി ബന്ധപ്പെട്ട ആശങ്കകള്‍ ഉടന്‍ മറികടക്കാനാവുമെന്ന പ്രതീക്ഷയിലാണ് ഹോട്ടലുടമകള്‍.