വിജയരാഘവന്‍റെ അധിക്ഷേപവും സിപിഎം പ്രകടനപത്രികയും ഒത്തുപോകുന്നുണ്ടോ?

തിരുവനന്തപുരം: പൊന്നാനിയിലെ തെരഞ്ഞെടുപ്പ് കൺവെൻഷനിൽ ആലത്തൂരിലെ യുഡിഎഫ് സ്ഥാനാർത്ഥി രമ്യാഹരിദാസിനെതിരെ എൽഡിഎഫ് കൺവീനർ എ. വിജയരാഘവൻ നടത്തിയ പരാമർശം സിപിഎമ്മിന്‍റെ പ്രകടനപത്രികയ്ക്ക് വിരുദ്ധം. ഈ തെരഞ്ഞെടുപ്പിനും 2014ലെ തെരഞ്ഞെടുപ്പിനും മുന്നോടിയായി സിപിഎം പുറത്തിറക്കിയ പ്രകടനപത്രികയിൽ സ്ത്രീകൾക്കെതിരായ അധിക്ഷേപങ്ങൾക്കെതിരെ ശക്തമായ നടപടി വാഗ്ദ്ധാനം ചെയ്യുന്നുണ്ട്. 'സ്ത്രീകളെ പൊതുവിടങ്ങളിൽ അപമാനിക്കുകയും ലൈംഗികമായി അധിക്ഷേപിക്കുകയും ചെയ്യുന്ന പരാമർശങ്ങൾ നടത്തുന്നതിനെതിരെ ജനപ്രതിനിധികൾ ഉൾപ്പടെയുള്ളവർക്കായി പെരുമാറ്റച്ചട്ടം കൊണ്ടുവരുക'- എന്ന് വളരെ വ്യക്തമായി സിപിഎം പ്രകടനപത്രികയിൽ പറയുന്നുണ്ട്.