രാഷ്ട്രീയ കർ'നാടകം'

അനിശ്ചിതത്വങ്ങൾ നിറഞ്ഞതായിരുന്നു കർണാടകയിലെ വോട്ടെണ്ണൽ ദിനം. തുടക്കംമുതൽ ലീഡ് നില മാറി മറിയുകയും കോൺഗ്രസും ബിജെപിയും തമ്മിലുള്ള ഇഞ്ചോടിഞ്ച് പോരാട്ടവും കണ്ടു. വോട്ടെണ്ണൽ ഒരുഘട്ടം കഴിഞ്ഞപ്പോൾ ബിജെപി കേവലഭൂരിപക്ഷം മറികടക്കുകയും, പിന്നീട് താഴേക്കുവരികയും ചെയ്തു. ഇതിനിടയിൽ ശക്തമായ സാന്നിദ്ധ്യമായി ജെഡിഎസും മാറി. ആർക്കും ഭൂരിപക്ഷമില്ലാതായതോടെ കോൺഗ്രസ്-ജെഡിഎസ് സഖ്യസാധ്യതകൾക്ക് തുടക്കമായി. ഇരു പാർട്ടിനേതാക്കളും തമ്മിലുള്ള കൂടിക്കാഴ്ചയ്ക്കൊടുവിൽ ജെഡിഎസിന് കോൺഗ്രസ് പിന്തുണ പ്രഖ്യാപിച്ചു. ഇതിനിടയിൽ സർക്കാർ രൂപീകരണ സാധ്യത തേടി ബിജെപിയും നീക്കം തുടങ്ങി. ഇതിന്‍റെ ഭാഗമായി കേന്ദ്രനേതാക്കളെ കർണാടകത്തിലേക്ക് അയച്ചു. ഇന്നു കർണാടകയിൽ നടന്ന രാഷ്ട്രീയ നാടകങ്ങളിലേക്ക്...