ഓസീസിനെതിരെ ഹർദ്ദിക് പാണ്ഡ്യ ഇല്ല; പകരം ജഡേജ

ഇക്കഴിഞ്ഞ ഓസ്ട്രേലിയൻ പര്യടനത്തിനിടെ വിവാദ ടിവി അഭിമുഖത്തിന്‍റെ പശ്ചാത്തലത്തിൽ ഹർദ്ദിക് പാണ്ഡ്യയെ നാട്ടിലേക്ക് തിരിച്ചുവിളിച്ചിരുന്നു. കെ.എൽ രാഹുലും അന്ന് നാട്ടിലേക്ക് മടങ്ങിയിരുന്നു. എന്നാൽ അന്വേഷണം അനിശ്ചിതത്വത്തിലായതോടെ ന്യൂസിലാൻഡിനെതിരായ പരമ്പരയിൽ പാണ്ഡ്യയെ ടീമിൽ ഉൾപ്പെടുത്തിയിരുന്നു. എന്നാൽ ഇതിനിടെ പരിക്ക് വീണ്ടും വില്ലനായതോടെ സ്വന്തം നാട്ടിൽ ഓസ്ട്രേലിയയ്ക്കെതിരെ കളിക്കാനുള്ള അവസരം പാണ്യയ്ക്ക് നഷ്ടമാകുകയായിരുന്നു. എന്നാൽ ലോകകപ്പ് കൂടി മുന്നിൽക്കണ്ടു അതിനുമുമ്പ് കൂടുതൽ വിശ്രമം ലഭ്യമാക്കാനാണ് പാണ്ഡ്യയെ ഇപ്പോൾ ടീമിൽനിന്ന് ഒഴിവാക്കുന്നതെന്നാണ് ബിസിസിഐ വൃത്തങ്ങൾ പറയുന്നത്.