കേരള ബ്ലാസ്റ്റേഴ്സ് കോഴിക്കോടേക്ക്; മലബാറിന്റെ ഫുട്ബോൾ ആവേശം കൊടുമുടി കയറും

കോഴിക്കോട് നോർത്ത് എംഎൽഎ പ്രദീപ് കുമാർ, മേയർ തോട്ടത്തിൽ രവീന്ദ്രൻ, ബ്ലാസ്റ്റേഴസ് പ്രതിനിധികളായ മുഹമ്മദ് റഫീക്, സിദ്ധാർഥ് തുടങ്ങിയവരാണ് ആദ്യഘട്ട ചർച്ചയിൽ പങ്കെടുത്തത്. ഇതിൻ്റെ ഭാഗമായി കോഴിക്കോട് ഇ എം എസ് സ്റ്റേഡിയം നവീകരിക്കും.

ഐ എസ് എല്ലിനും എ എഫ് സി ലൈസൻസിനും അനുയോജ്യമായ രീതിയിൽ സ്റ്റേഡിയം പുതുക്കേണ്ടി വരും. ഇതിന് കേരള ബ്ലാസ്റ്റേഴ്സും കോഴിക്കോട് കോർപ്പറേഷനും തമ്മിൽ ധാരണയായിട്ടുണ്ട്. ഇതിന് പുറമെ ഗ്രൗണ്ടിലെ ഫ്ലഡ് ലൈറ്റ് കുറ്റമറ്റതാക്കുന്നതിനും പുതുതായി ഏർപ്പെടുത്തേണ്ട സൗകര്യങ്ങളും ബ്ലാസ്റ്റേഴ്സ് തീരുമാനിക്കും. ഗ്രൗണ്ടിൻ്റെ നിലവിലെ സ്ഥിതിയും, വരുത്തേണ്ട മാറ്റങ്ങളും  സംബന്ദിച്ച് കേരളാ ബ്ലാസ്റ്റേഴ്സ് റിപ്പോർട്ട് സമർപ്പിക്കും.

കലൂർ സ്റ്റേഡിയവുമായി ബന്ധപ്പെട്ട് പല വിവാദങ്ങളും അവസാന സീസണിൽ ഉണ്ടാവുകയും ചെയ്തിരുന്നു. ഈ വരുന്ന സീസണിൽ തന്നെ കേരള ബ്ലാസ്റ്റേഴ്സ് കോഴിക്കോട് എത്തും എന്നാണ് കോർപ്പറേഷന്റെ പത്രകുറിപ്പിൽ പറയുന്നത്.