ദയനീയ തോല്‍വിയ്ക്ക് പിന്നാലെ മെസിയെ 'ഉപേക്ഷിച്ച്'ബാഴ്‌സലോണ; വിമാനത്താവളത്തിലേക്ക് പോയത് നായകനെ കൂട്ടാതെ

അപ്രതീക്ഷിതമായി വഴങ്ങിയ തോല്‍വിയ്ക്ക് പിന്നാലെ ടീമിനെ നാണക്കേടിലേക്ക് തള്ളിവിടുന്നതായിരുന്നു സൂപ്പര്‍ താരത്തെ മറുന്നുള്ള യാത്ര. ടീ ബസ് മെസിയെ കയറ്റാതെ വിമാനത്താളത്തിലേക്ക് പോയെന്ന വാര്‍ത്ത സ്പാനിഷ് ടെലിവിഷന്‍ ചാനലാണ് ആദ്യം പുറത്തുവിട്ടത്. മത്സരത്തിനു പിന്നാലെ മെസി ഉത്തേജക മരുന്ന് പരിശോധനയ്ക്ക് പോയപ്പോഴായിരുന്നു ടീം ബസ് വിമാനത്താവളത്തിലേക്ക് തിരിച്ചത്.

മത്സരത്തില്‍ എതിരില്ലാത്ത നാലുഗോളുകള്‍ അടിച്ചാണ് ലിവര്‍പൂള്‍ ഫൈനലിന് യോഗ്യത നേടിയത്. നൗക്യംപില്‍ നടന്ന ആദ്യപാദത്തില്‍ 3- 0 ത്തിനു മുന്നിട്ട് നിന്നശേഷമായിരുന്നു ബാഴ്‌സയുടെ തോല്‍വി.