പത്തൊമ്പതാം വയസിൽ ആരംഭിച്ച ബിസിനസ് ജൈത്രയാത്രക്ക് വിരാമം; 'പിസ ഹട്ട്' സഹസ്ഥാപകൻ അന്തരിച്ചു

Last Updated:

പത്തൊമ്പതാം വയസിൽ സഹോദരൻ ഡാൻ കാർണിക്കൊപ്പം കൻസാസിലാണ് ഫ്രാങ്ക് പിസ്സ ഹട്ട് ബിസിനസ് ആരംഭിച്ചത്

പിസ്സ ഹട്ടിന്റെ സഹസ്ഥാപകനായ ഫ്രാങ്ക് കാർണി അന്തരിച്ചു. 82 വയസുകാരനായിരുന്ന ഫ്രാങ്ക് കാർണി ബുധനാഴ്ചയാണ് ന്യുമോണിയ ബാധിച്ച് മരിച്ചത്. കോവിഡിൽ നിന്ന് അടുത്തിടെയാണ് ഫ്രാങ്ക് മുക്തനായത്.
പത്തൊമ്പതാം വയസിൽ സഹോദരൻ ഡാൻ കാർണിക്കൊപ്പം കൻസാസിലെ വിചിറ്റയിൽ ഫ്രാങ്ക് പിസ്സ ഹട്ട് ബിസിനസ് ആരംഭിച്ചത്. വീടിന് അടുത്തുള്ള സ്ഥലങ്ങളിൽ പിസ ഉണ്ടാക്കി വിറ്റാണ് ആരംഭം. സഹോദരൻ അമ്മയിൽ നിന്ന് കടം വാങ്ങിയ 600 ഡോളർ ഉപയോഗിച്ചാണ് ആദ്യത്തെ പിസ്സ ഹട്ട് സ്ഥാപിച്ചത്. പിന്നീട് ആറുമാസത്തിനുള്ളിൽ അവരുടെ രണ്ടാമത്തെ ഔട്ട്ലെറ്റ് തയ്യാറായി.
advertisement
അടുത്ത വർഷം തന്നെ സഹോദരന്മാർ ചേർന്ന് സ്ഥാപനം ഫ്രാഞ്ചൈസി നൽകാൻ ആരംഭിച്ചു. അങ്ങനെ ചുരുക്കം കാലംകൊണ്ട് തന്നെ അവർ അമേരിക്കയിലുടനീളം ബിസിനസ് വ്യാപിപ്പിച്ചു. 2019 ഡിസംബർ വരെയുള്ള കണക്കനുസരിച്ച് ലോകമെമ്പാടുമായി 18,703 ഔട്ട്‌ലെറ്റുകൾ പിസ്സ ഹട്ടിനുണ്ട്. ഇന്ന് ലോകത്തിലെ തന്നെ ഏറ്റവും വലിയ പിസ്സ ശൃംഖലകളിലൊന്നാണ് പിസ ഹട്ട്.
ഇന്ന് പിസ്സ ഹട്ട് ലോകമെമ്പാടുമുള്ള ആഹാര പ്രേമികളുടെ പ്രിയപ്പെട്ട ഫാസ്റ്റ്ഫുഡ് ഔട്ട്‌ലെറ്റായി മാറി. പിസ്സകൾക്ക് പുറമേ, ഫാസ്റ്റ്ഫുഡ് ശൃംഖലയിൽ ഇറ്റാലിയൻ, അമേരിക്കൻ വിഭവങ്ങളായ പാസ്ത, നഗ്ഗെറ്റുകൾ, മധുരപലഹാരങ്ങൾ, ശീതളപാനീയങ്ങൾ എന്നിവയും പിസ്സ ഹട്ടിൽ ലഭ്യമാണ്.
മലയാളം വാർത്തകൾ/ വാർത്ത/World/
പത്തൊമ്പതാം വയസിൽ ആരംഭിച്ച ബിസിനസ് ജൈത്രയാത്രക്ക് വിരാമം; 'പിസ ഹട്ട്' സഹസ്ഥാപകൻ അന്തരിച്ചു
Next Article
advertisement
പീഡനക്കേസിലെ പരാതിക്കാരിയെ അധിക്ഷേപിച്ച കേസിൽ രാഹുൽ ഈശ്വർ അറസ്റ്റിൽ
പീഡനക്കേസിലെ പരാതിക്കാരിയെ അധിക്ഷേപിച്ച കേസിൽ രാഹുൽ ഈശ്വർ അറസ്റ്റിൽ
  • രാഹുൽ ഈശ്വർ, പീഡനക്കേസിലെ പരാതിക്കാരിയെ സൈബർ ഇടങ്ങളിൽ അധിക്ഷേപിച്ച കേസിൽ അറസ്റ്റിൽ.

  • ജാമ്യമില്ല വകുപ്പുകൾ പ്രകാരം തിരുവനന്തപുരം സൈബർ പോലീസ് രാഹുലിനെ അറസ്റ്റ് ചെയ്തു, BNS 75 (3) ചേർത്തു.

  • രാഹുലിനെ തിങ്കളാഴ്ച രാവിലെ കോടതിയിൽ ഹാജരാക്കും, സൈബർ പോലീസ് ലാപ്ടോപ്പും ഫോണും പരിശോധിച്ചു.

View All
advertisement