പശ്ചിമേഷ്യയിലെ സംഘർഷം ; നിരവധി വിമാന സർവീസുകൾ നിർത്തിവച്ചു, കുടുങ്ങിക്കിടക്കുന്ന ആളുകളെ ഉടൻ തിരിച്ചെത്തിക്കും

Published by:SIBILI S
news18-malayalam

Last Updated:Mar 11, 2026 6:17 PM IST

പശ്ചിമേഷ്യയിലെ സംഘർഷങ്ങളുടെ പശ്ചാത്തലത്തിൽ ബഹ്റൈൻ, ദോഹ, ദുബായ്, ടെൽ അവീന് വിമാന സർവീസുകൾ റദ്ദാക്കി. 8000 യാത്രക്കാർ ഖത്തറിൽ കുടുങ്ങി.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

ന്യൂഡൽഹി: പശ്ചിമേഷ്യയിൽ നടന്നുകൊണ്ടിരിക്കുന്ന സംഘർഷങ്ങളുടെ പശ്ചാത്തലത്തിൽ ലോകമെമ്പാടുമുള്ള നിരവധി വിമാനസർവീസുകൾ താത്ക്കാലികമായി നിർത്തിവച്ചു. നിരവധി സർവീസുകൾ വെട്ടിച്ചുരുക്കി. സംഘർഷത്തിൽ വിവിധയിടങ്ങളിൽ കുടുങ്ങിക്കിടക്കുന്ന യാത്രക്കാരെ തിരികെ എത്തിക്കുന്നതിനുള്ള നീക്കങ്ങൾ തുടങ്ങിയിട്ടുണ്ട്. ബഹ്റൈൻ, ദോഹ, ദുബായ്, ടെൽ അവീന് എന്നിവിടങ്ങളിലേക്കുള്ള വിമാന സർവീസുകൾ ഈ മാസം അവസാനം വരെ റദ്ദാക്കിയതായി എയർലൈൻ സ്ഥിരീകരിച്ചു.

അബുദാബിയിലേക്കും തിരിച്ചുമുള്ള സർവീസുകൾ കൂടുതൽ കാലത്തേക്ക് നിർത്തിവയ്ക്കുമെന്നാണ് റിപ്പോർട്ട്. ഗൾഫ് രാജ്യങ്ങളിൽ കുടുങ്ങികിടക്കുന്ന യാത്രക്കാരെ തിരികെ എത്തിക്കുന്നതിനുള്ള നടപടികൾ തുടരുകയാണ്.

ദോഹയിലെ ഹമദ് അന്താരാഷ്ട്ര വിമാനത്താവളം വഴി കുറച്ച് ആളുകളെ സ്വദേശത്തേക്ക് കൊണ്ടുപോയിട്ടുണ്ട്. വിമാന സർവീസുകൾ തുടരുമെന്ന് ഖത്തർ സിവിൽ ഏവിയേഷൻ അതോറിറ്റി അറിയിച്ചു.

വിമാവനങ്ങളുടെ സർവീസിൽ മാറ്റമുണ്ടായ സാഹചര്യത്തിൽ 8000 യാത്രക്കാർ ഖത്തർ വിമാനത്താവളത്തിൽ കുടുങ്ങി. യാത്രക്കാർക്ക് വേണ്ടിയുള്ള എല്ലാ സൗകര്യങ്ങളും വിമാനത്താവള അധികൃതർ സജ്ജമാക്കിയിട്ടുണ്ട്.

അതേസമയം, കഴിഞ്ഞ ആഴ്ചയിൽ 80 ഓളം അധിക വിമാന സർവീസുകൾ നടത്തിയതായും 97,000 ത്തിലധികം യാത്രക്കാരെ നാട്ടിലേക്ക് മടങ്ങാൻ സഹായിച്ചതായും ഒമാൻ എയർ അറിയിച്ചു. വിമാനങ്ങളുടെ എണ്ണം വർദ്ധിപ്പിക്കുന്നത് തുടരുമെന്നും എയർലൈൻ കൂട്ടിച്ചേർത്തു.