മേക്കപ്പ് ചെയ്യുന്നതും പുരികം ഷേപ്പ് ചെയ്യുന്നതും ഇസ്ലാമിക വിരുദ്ധമെന്ന് താലിബാന്‍, അഫ്ഗാനിസ്ഥാനിൽ ബ്യൂട്ടിപാര്‍ലറുകള്‍ അടച്ചുപൂട്ടി

അഫ്ഗാനിസ്ഥാനില്‍ ബ്യൂട്ടിപാര്‍ലറുകള്‍ അടച്ചുപൂട്ടാന്‍ താലിബാന്റെ അന്ത്യശാസനം. മതപരമായ കാരണങ്ങളും വിവാഹങ്ങളിലെ ചെലവ് വര്‍ധിക്കുന്നതും ചൂണ്ടിക്കാട്ടിയാണ് ബ്യൂട്ടിപാര്‍ലറുകള്‍ അടച്ചുപൂട്ടാന്‍ താലിബാന്‍ നിര്‍ദേശിച്ചിരിക്കുന്നത്. ബ്യൂട്ടി സലൂണുകള്‍ അടച്ചുപൂട്ടുന്നതിന് ഒരുമാസത്തെ സമയപരിധി അനുവദിച്ചിരുന്നു. ഇത് കഴിഞ്ഞതിന് തൊട്ട് പിന്നാലെയാണ് അടച്ചുപൂട്ടുന്നത് സംബന്ധിച്ച് അന്ത്യശാസനം താലിബാന്‍ പുറപ്പെടുവിച്ചത്. നിയമം അനുസരിച്ചില്ലെങ്കില്‍ എന്തൊക്കെ നടപടികളാണ് ഉണ്ടാകുകയെന്ന് താലിബാന്‍ വ്യക്തമാക്കിയിട്ടില്ല. അതേസമയം, താലിബാന്റെ നിര്‍ദേശത്തിനെതിരേ എതിര്‍പ്പുകള്‍ ഉയര്‍ന്നിട്ടുണ്ട്.