Covid 19 | ഡൊണാൾഡ് ട്രംപിന്‍റെ നില മെച്ചപ്പെടുന്നതായി ഡോക്ടർ; പക്ഷെ അദ്ദേഹത്തിന് നിര്‍ദേശിച്ച മരുന്ന് ഗുരുതര രോഗികള്‍ക്കുള്ളതെന്നും റിപ്പോര്‍ട്ട്

വാഷിംഗ്ടൺ: കോവിഡ് 19 ബാധിച്ച് ചികിത്സയിലിരിക്കുന്ന അമേരിക്കൻ പ്രസിഡന്‍റ് ഡൊണാൾഡ് ട്രംപിന്‍റെ ആരോഗ്യനില മെച്ചപ്പെട്ടുവെന്ന് ഡോക്ടര്‍മാർ. വൈറ്റ് ഹൗസ് ഫിസിഷ്യൻ ഡോ.സീൻ കോൻലിയാണ് ഈ വിവരം അറിയിച്ചിരിക്കുന്നത്. 'അദ്ദേഹത്തിന്‍റെ നില മെച്ചപ്പെട്ടു.തിങ്കളാഴ്ചയോടെ ആശുപത്രി വിടാനാകുമെന്നാണ് പ്രതീക്ഷിക്കുന്നത്' എന്നായിരുന്നു വാക്കുകൾ. ചികിത്സയിലിരിക്കുന്ന ട്രംപിന്‍റെ ഓക്സിജൻ ലെവൽ കഴിഞ്ഞ ദിവസം രണ്ടു തവണ കുറഞ്ഞിരുന്നു. ഇതിനെ തുടർന്ന് അദ്ദേഹത്തിൻ സപ്ലിമെന്‍റൽ ഓക്സിജൻ നൽകേണ്ടതായും വന്നു എന്ന കാര്യം അറിയിച്ചു കൊണ്ടാണ് പ്രസിഡന്‍റിന്‍റെ ആരോഗ്യനില സംബന്ധിച്ച വിവരം അദ്ദേഹം പുറത്തുവിട്ടത്.