ഒടുവിൽ ട്രംപിന് പൂട്ടിട്ട് ട്വിറ്റർ; 12 മണിക്കൂർ നേരത്തേക്ക് ട്വിറ്റർ അക്കൗണ്ട് മരവിപ്പിച്ചു; വീഡിയോയിൽ നടപടിയുമായി യുട്യൂബും ഫേസ്ബുക്കും

Published by:Joys Joy
news18

Last Updated:Jan 07, 2021 8:17 AM IST

ട്വിറ്റർ അക്കൗണ്ട് പൂട്ടിയത് കൂടാതെ ഫേസ്ബുക്കും യു ട്യൂബും ട്രംപിനെതിരെ നടപടിയുമായി രംഗത്ത് എത്തിക്കഴിഞ്ഞു.

Impact Shortsഗേറ്റ് വേ ഏറ്റവും പുതിയ വാർത്തയ്ക്കായി

വാഷിംഗ്ടൺ: യുഎസ് പ്രസിഡന്റ് ഡോണാൾഡ് ട്രംപിന്റെ ട്വിറ്റർ അക്കൗണ്ടിന് പൂട്ടിട്ട് ട്വിറ്റർ. അടുത്ത 12 മണിക്കൂർ നേരത്തേക്കാണ് ട്രംപിന്റെ അക്കൗണ്ടിന് ട്വിറ്റർ പൂട്ടിട്ടത്. കുറ്റകരമായ സന്ദേശങ്ങൾ നീക്കം ചെയ്തില്ലെങ്കിൽ അക്കൗണ്ട് മരവിപ്പിച്ച് തന്നെ മുന്നോട്ടു കൊണ്ടു പോകുമെന്നും ട്വിറ്റർ വ്യക്തമാക്കി.

യു എസ് പാർലമെന്റ് ആക്രമണത്തെ അനുകൂലിക്കുന്ന തരത്തിൽ ട്വീറ്റുകൾ പങ്കുവച്ചതിനെ തുടർന്നാണ് ട്വിറ്റർ സുരക്ഷാവിഭാഗത്തിന്റെ നടപടി. പാർലമെന്റ് ആക്രമണത്തെ അനുകൂലിക്കുന്ന വീഡിയോ പങ്കുവച്ചതിനാണ് ഫേസ്ബുക്ക് നടപടി സ്വീകരിച്ചത്. യു ട്യൂബും അക്രമത്തെ അനുകൂലിക്കുന്ന തരത്തിലുള്ള ട്രംപിന്റെ വീഡിയോ നീക്കം ചെയ്തു.

As a result of the unprecedented and ongoing violent situation in Washington, D.C., we have required the removal of three @realDonaldTrump Tweets that were posted earlier today for repeated and severe violations of our Civic Integrity policy. https://t.co/k6OkjNG3bM

— Twitter Safety (@TwitterSafety) January 7, 2021

നിയുക്ത പ്രസിഡന്റ് ജോ ബൈഡന്റെ വിജയം അംഗീകരിക്കാൻ യു എസ് പാർലമെന്റ് സമ്മേളിക്കുന്നതിന് ഇടയിൽ ആയിരുന്നു ആയിരക്കണക്കിന് ട്രംപ് അനുകൂലികൾ യു എസ് പാർലമെന്റ് ആയ കാപ്പിറ്റോൾ ടവറിലേക്ക് അതിക്രമിച്ച് കടന്നത്. ഇന്ത്യൻ സമയം പുലർച്ചെ ഒരു മണിയോടെ ആയിരുന്നു ഈ സംഭവം ഉണ്ടായത്.

You may also like:Junk Food and Brain | ഒരാഴ്ച തുടർച്ചയായി ജങ്ക് ഫുഡ് കഴിച്ചാൽ അത് നിങ്ങളുടെ തലച്ചോറിനെ തകരാറിലാക്കിയേക്കാം [NEWS]ഹിന്ദു ദൈവങ്ങളെ അപമാനിച്ചു; കൊമേഡിയൻ മുനവർ ഫാറുഖിക്ക് ജാമ്യം നിഷേധിച്ച് കോടതി [NEWS] 'വിദ്യാർത്ഥികളെ പശുക്കളെക്കുറിച്ച് ബോധവാൻമാരാക്കാൻ'; ദേശീയ പശുശാസ്ത്ര പരീക്ഷ ഫെബ്രുവരി 25ന് [NEWS]

ജോ ബൈഡൻ യു എസ് പ്രസിഡന്റ് സ്ഥാനത്തേക്ക് വിജയിച്ചത് അംഗീകരിക്കില്ലെന്ന് ട്രംപ് അനുകൂലികൾ നേരത്തെ തന്നെ വ്യക്തമാക്കിയിരുന്നു. വൻ സുരക്ഷാവലയം മറികടന്ന് ആയിരുന്നു പ്രതിഷേധക്കാർ കാപ്പിറ്റോൾ ടവറിലേക്ക് കടന്നത്. ബൈഡന്റെ വിജയം അംഗീകരിക്കരുതെന്ന് ട്രംപ് നേരത്തെ അഭ്യർത്ഥിച്ചിരുന്നു. എന്നാൽ, ഈ അഭ്യർത്ഥന റിപ്പബ്ലിക്കൻ നേതാവായ മൈക്ക് പെൻസ് തള്ളിയിരുന്നു. ഇതിനു പിന്നാലെയാണ് നാടകീയ സംഭവങ്ങൾ നടന്നത്.

ട്വിറ്റർ അക്കൗണ്ട് പൂട്ടിയത് കൂടാതെ ഫേസ്ബുക്കും യു ട്യൂബും ട്രംപിനെതിരെ നടപടിയുമായി രംഗത്ത് എത്തിക്കഴിഞ്ഞു. ട്രംപ് പോസ്റ്റ് ചെയ്ത വീഡിയോ യു ട്യൂബും ഫേസ്ബുക്കും നീക്കം ചെയ്തു. മാനദണ്ഡത്തിന് നിരക്കാത്തതാണെന്ന് ആരോപിച്ചാണ് യു ട്യൂബ് ട്രംപിന്റെ വീഡിയോ നീക്കം ചെയ്തത്.