Sneha Reddy Allu Arjun: 42 കോടി രൂപയുടെ ആസ്തി, സംരംഭക; അല്ലു അർജുന്റെ ഭാര്യ സ്നേഹ റെഡ്ഡി

പുഷ്പ 2 റിലീസോടെ നടൻ അല്ലു അർജുന്റെ ജീവിതത്തിൽ സംഭവബഹുലമായ മുഹൂർത്തങ്ങളാണ് കടന്നു പോകുന്നത്. റെക്കോർഡുകൾ ഭേദിച്ച് ഒരു വശത്ത് സിനിമ കുതിക്കുമ്പോൾ മറുവശത്ത് വിഷമഘട്ടങ്ങളും അരങ്ങേറുകയാണ്. പുഷ്പ 2 റിലീസ് ദിനത്തിൽ തിക്കിലും തിരക്കിലും പെട്ട് സ്ത്രീ മരിച്ച സംഭവത്തിൽ അല്ലുവിനെ പൊലീസ് അറസ്റ്റ് ചെയ്തു.

ഇപ്പോൾ താരത്തിന് ഇടക്കാല ജാമ്യം ലഭിച്ചിരിക്കുകയാണ്. അറസ്റ്റ് ചെയ്യാനായി പൊലീസ് താരത്തിന്റെ വീട്ടിലെത്തിയപ്പോൾ‍ തന്റെ ഭാര്യ സ്നേഹ റെഡ്ഡിയെ താരം ആശ്വസിപ്പിക്കുന്ന വീഡിയോയാണ് ഇപ്പോൾ സോഷ്യൽ മീഡിയയിൽ വൈറലായിക്കൊണ്ടിരിക്കുന്നത്. ഈ പശ്ചാത്തലത്തിൽ വീണ്ടും ചർച്ചയാവുകയാണ് അല്ലുവിന്റെ ഭാര്യ സ്നേഹ റെഡ്ഡി.

2011 മാര്‍ച്ച് ആറിനായിരുന്നു അല്ലു അർജുന്റേയും സ്‌നേഹ റെഡ്ഡിയുടേയും വിവാഹം. ഒരു നടന്റെ വിവാഹത്തിനിടെയാണ് ഇരുവരും ആദ്യമായി കാണുന്നത്. വര്‍ഷങ്ങള്‍ നീണ്ട പ്രണയത്തിനൊടുവില്‍ 2010-ല്‍ ഇരുവരുടേയും വിവാഹനിശ്ചയം കഴിഞ്ഞു. തൊട്ടടുത്ത വര്‍ഷം വിവാഹിതരുമായി.

ആന്ധ്രാ പ്രദേശിലെ കോണ്‍ഗ്രസ് നേതാവും ബിസിനസുകാരനുമാണ്‌ സ്‌നേഹ റെഡ്ഡിയുടെ പിതാവ് കാഞ്ചർല ചന്ദ്രശേഖർ റെഡ്ഡി. അദ്ദ​ഹം ഒരു പ്രമുഖ വ്യവസായിയും സയൻ്റ് ഇൻസ്റ്റിറ്റ്യൂട്ട് ഓഫ് ടെക്നോളജിയുടെ (എസ്ഐടി) ചെയർമാനുമാണ്. 42 കോടി രൂപയുടെ ആസ്തിയുള്ള സ്‌നേഹ ഒരു പ്രചോദനാത്മക സംരംഭകയും സോഷ്യൽ മീഡിയ താരവുമാണ്.

സൂപ്പർതാരത്തിന്റെ ഭാര്യയായിരുന്നിട്ടും ലൈംലൈറ്റിൽ സ്നേഹ അധികം പ്രത്യക്ഷപ്പെടാറില്ല. ഇപ്പോൾ പിതാവിന്റെ ബിസിനസ്സ് ഏറ്റെടുത്ത് നടത്തുന്ന തിരക്കിലാണ് സ്നേഹ.