Actor Bala | എലിസബത്ത് പിടിച്ചുനിർത്തിയില്ലായിരുന്നുവെങ്കിൽ; ഭാര്യയുടെ ആശുപത്രിയിൽ പോയ നടൻ ബാല

ഏറ്റവും പുതിയ ചിത്രമായ 'ഷെഫീക്കിന്റെ സന്തോഷം' റിലീസ് ദിവസം മുതൽ ഭാര്യ എലിസബത്തുമുള്ള (Elizabeth Udayan) നിമിഷങ്ങൾ പോസ്റ്റ് ചെയ്യുന്ന ശീലത്തിലേക്ക് നടൻ ബാല (Actor Bala) മടങ്ങിവന്നിരിക്കുകയാണ്. കുറെയേറെ മാസങ്ങളായി ഇവർ ഒന്നിച്ചുള്ള വിശേഷങ്ങൾ ഒന്നും തന്നെ സോഷ്യൽ മീഡിയയിലോ ബാലയുടെ പേജുകളിലോ വന്നിരുന്നില്ല. ശേഷം ഇവർ പിരിഞ്ഞെന്നായി വാർത്ത

വീണ്ടും ബാലയുടെ വീഡിയോകളിൽ എലിസബത്ത് സജീവമായതിനു ശേഷം ജീവിതത്തിലെ മൂല്യമേറിയ നിമിഷങ്ങളാണ് ബാല പോസ്റ്റ് ചെയ്യാൻ തിരഞ്ഞെടുത്തത്. മഴയത്ത് ഒരു കുടയ്ക്ക് കീഴിൽ ഭാര്യക്കൊപ്പം നടക്കുക, ഇഷ്‌ട ഭക്ഷണം സ്വന്തം കൈകൊണ്ടു എലിസബത്തിന് തയാറാക്കി നൽകുക ഒക്കെയാണ് ബാലയുടെ ഇപ്പോഴത്തെ ശീലങ്ങൾ. പക്ഷെ എലിസബത്ത് ജോലിയെടുക്കുന്ന ആശുപത്രിയിൽ പോയ വിശേഷം അത്ര നിസാരമല്ല (തുടർന്ന് വായിക്കുക)

ആശുപത്രിയിലെ നേഴ്സ്മാരും, മെഡിക്കൽ വിദ്യാർത്ഥികളും ബാലയെ കണ്ടതും വട്ടംകൂടി. ഒന്നിച്ച് ഫോട്ടോ എടുക്കാനും ഓട്ടോഗ്രാഫ് വാങ്ങാനുമായി തിരക്ക്. മലങ്കര ആശുപത്രിയിൽ നിന്നും എലിസബത്തിനെ കിഡ്നാപ്പ് ചെയ്യാൻ കഴിഞ്ഞു, പക്ഷെ താൻ പെട്ടു എന്ന് ബാല വീഡിയോ പോസ്റ്റ് ചെയ്ത് ക്യാപ്‌ഷൻ നൽകി

പക്ഷേ കുറച്ചുപേർ അടുത്തുകൂടി ബാലയുടെ ഡാൻസ് സ്റ്റെപ് ആവശ്യപ്പെട്ടു. ആവശ്യം കേട്ടതും എലിസബത്ത് ഭർത്താവിനെ 'അയ്യോ വേണ്ടാ' ഭാവത്തിൽ പിന്നിലേക്ക് വലിച്ചു. എങ്കിലും കൈകൊണ്ടു കുറച്ചു സ്റ്റെപ് ഇട്ടിട്ടേ ബാല വിടാൻ ഭാവമുണ്ടായിരുന്നുള്ളൂ

ഒരു ദിവസം ഭാര്യയെ കൂട്ടിക്കൊണ്ടു പോകാൻ വന്നതും ബാല എന്തായാലും സിനിമയിലെ പോലെ ജീവിതത്തിലും സ്റ്റാർ ആയി എന്ന് പറയാമല്ലോ

സ്വന്തം കൈകൊണ്ട് തയാർ ചെയ്ത ബ്രെയ്‌ൻ ഫ്രൈ എലിസബത്തിനെ കഴിപ്പിക്കുന്ന ബാല. ഭക്ഷണം അടിപൊളി എന്ന് എലിസബത്തും സമ്മതിച്ചു

എലിസബത്തിനൊപ്പം രഞ്ജിതമേ ഗാനത്തിന് നൃത്തം ചെയ്യുന്ന ബാല. ഈ വീഡിയോയിലൂടെയാണ് തന്റെ എലിസബത്ത് തന്റേതു മാത്രം എന്ന് പറഞ്ഞ് ദമ്പതികളുടെ മടങ്ങിവരവിന് ബാല തുടക്കം കുറിച്ചത്