Sudev Nair | നടൻ സുദേവ് നായർ വിവാഹിതനായി

വളരെ കുറച്ചുമാത്രമെങ്കിലും, ശ്രദ്ധേയമായ റോളുകളിലൂടെ മലയാള സിനിമയിൽ നിറഞ്ഞുനിൽക്കുന്ന നടനാണ് സുദേവ് നായർ (Sudev Nair). തുടക്കത്തിൽ തന്നെ മികച്ച നടനുള്ള പുരസ്‌കാരം നേടിയ സുദേവ്, സൂപ്പർ താരങ്ങളുടേതുൾപ്പെടയുള്ള ചിത്രങ്ങളിൽ സ്ഥിരസാന്നിധ്യമാണ്.

മമ്മൂട്ടി ചിത്രം 'ഭീഷ്മപർവ്വത്തിലെ' രാജൻ നായർ എന്ന നെഗറ്റീവ് കഥാപാത്രം അടുത്തിടെ ശ്രദ്ധിക്കപ്പെട്ട വേഷങ്ങളിൽ ഒന്നായിരുന്നു. എന്നാൽ ഇപ്പോഴിതാ സുദേവ് നായർ വിവാഹിതനായി എന്ന വാർത്തയാണ് പുറത്ത് വരുന്നത്.

അമർദീപ് കൗർ ആണ് വധു. ഗുരുവായൂര്‍ അമ്പലത്തില്‍ വച്ചായിരുന്നു വിവാഹം. അടുത്ത ബന്ധുക്കളും സുഹൃത്തുക്കളും പങ്കെടുത്ത ചടങ്ങിന്‍റെ വീഡിയോകളും ഫോട്ടോകളും സമൂഹമാധ്യമങ്ങളില്‍ വൈറല്‍ ആകുകയാണ്.

ആരാധകർക്കൊക്കെ സർപ്രൈസായാണ് താരത്തിന്റെ വിവാഹ വാർത്ത വന്നത്. മലയാളി ആണെങ്കിലും മുംബൈയിൽ ആണ് സുദേവ് നായരൻ ജനിച്ചു വളർന്നത്.

പാർക്കറിൽ പരിശീലനം നേടിയ സുദേവ് പൂനെയിലെ ഫിലിം ആൻഡ് ടെലിവിഷൻ ഇൻസ്റ്റിറ്റ്യൂട്ട് ഓഫ് ഇന്ത്യയിൽ നിന്ന് അഭിനയത്തിൽ ബിരുദാനന്തര ബിരുദവും നേടിയിട്ടുണ്ട്. ബ്രേക്ക് ഡാൻസ്, ബോക്സിംഗ്, കരാട്ടെ, ജൂഡോ, കളരി പയറ്റ് തുടങ്ങിയവയിലെല്ലാം പരിശീലനം നേടിയ ആള് കൂടിയാണ് താരം.